一個人浪盪日本2009-Day 1@東京(テプコ浅草館）

2009年9月12日,下晝停左雨  

 

上晝响合羽橋買左d cooking用品,食埋個mister donut都仲係下晝兩點幾,

時間流流長,咁有咩好做呢?

 

有! 

旅遊天書介紹淺草有間"無料"野,入面有19世紀明治時代至戰前,

當時淺草庶民既生活展覽,仲有一個懷舊場景可以影下相,

反正係"無料",又順路,咁無理由唔去 hea 一陣架?! 

 

呢間就係テプコ浅草館喇!睇佢個外表咁時代感,邊似入面有懷舊野睇呀?

 

原來响明治23年(即1890年),當時淺草已經有52m高既高樓,

呢幢高樓仲有電梯添架!  犀利喎!   すごいね!

 

但係响大正12年(即1923年)一場關東大地震,佢就化作一堆磚頭同灰喇!

 

呢間館入面有一層係搭建左當時淺草庶民既生活實況場景,

影下相都唔錯喎,反正係"無料"遮! 

 

仲展示左山本先生做既模型添!

 

山本先生d手工都幾好,做得幾仔細架! 

 

尤其係呢個2002年既制作,相信都真係好反映到以前同宜家d大和男人既心態! 

(點解咁講呢?)

 

咦!右邊最前間屋仔,二樓有野睇喎 ~

 

zoom近d,再睇真d先~ 

 露點大和女呀!

(現場睇實物清楚好多架!)

好明顯睇到當時既潮流係唔興G cup既!

 

就算唔係為左山本先生既"傑作",呢個テプコ浅草館,

順路去開淺草都值得參觀一下架!

 

テプコ浅草館網頁 : http://www.asakusa-kan.com/

 

做乜影條酒店房間鎖匙呀?　

 

呢件事我一定要記低佢既,因為實在太白痴,仲瘀到爆燈添!

因為係零晨機到東京,响飛機上都無好好瞓過,

而上機前果幾個鐘仲係作戰狀態咁返緊工,一放工就仆去機場

所以第一日行程死頂到夜晚7點左右,我已經投降要打道回府喇!

 

返到酒店先攞到房間鎖匙,接左條鎖匙仲諗:

"咩東橫 inn仲用鎖匙咁老土架,好多酒店都用咭開門架啦..."

咩都好啦,當時只係想可以早d入房休息

 

快快用鎖匙開門,跟住想開燈,

我望住個燈掣點解得一個洞,當時係諗唔到點開着房入面d燈,

搞左一輪都係無頭緒,唯有落去下面front desk問人啦!

之後咪就係個staff 好有禮貌陪我返上房,幫我將條鎖匙插入個燈掣度囉!

 係喎!做咩我咁白痴呀! 

又唔係未住過酒店,咁都諗唔到?做咩會咁大鄉里....!

唉!原來坐零晨機就係咁架喇,雖然係多左d時間,但都無體力同精神去應付個行程啦! 

 

唯有用呢個藉口黎掩飾自己既"死蠢"啦!呢件絕對係我全個行程中,最白痴既事呀!