一個人浪盪日本2009-Day 2@東京(鯨魚午餐-元祖くじら屋)

 

2009年9月13日,全日都係大晴天 

 

 今日要去邊呢? 要去食鯨魚午餐定食呀!......好呀!正呀!

 

 

呢間响涉谷既鯨魚料理屋-元祖くじら屋,响香港d旅遊天書都有介紹,

今次已經係第二次光顧架喇!

 

店內裝飾都幾優雅架,下面間大房一共有5張二人枱

 

鯨魚係珍貴野黎噃!但如果只係响呢度食一個set lunch又唔貴喎

所以一場黎到東京,一定要食啦!

 

兩年前我食過鯨からあげ定食,今次要食刺身先得

呢個就係鯨魚刺身定食

 

主角-鯨魚刺身出場 右下角果"pet"係薑蓉,點埋醬油一齊食架!

 

如果問我味道如何~我會覺得好多種魚既刺身比鯨魚刺身好味,口感更好,

食鯨魚係食唔到海鮮應有既鮮味

 

梗係啦!鯨魚係哺乳類,都唔係魚類, 咁何來會有魚既鮮味呢?!

 

post返兩年前食既鯨からあげ定食先

 

呢個set lunch係炸鯨魚肉

 

鯨魚肉係紅肉黎架!

 

等我變身做"尾姐"先~

魚有魚味,雞有雞味,不過今次係鯨魚無魚味喎!

 

如果要比較返兩年前食過既炸鯨魚,我覺得熟食比刺身好味

熟食反而有d似牛肉,但又無牛肉咁有質感,"林"身d

但如果當刺身咁食,鯨魚肉係無明顯而獨有既味道, 即係無 character咯!

我係咪無"尾姐"咁"行貨"呢?!

 

後來我發現同埋一齊食set lunch既日本人,佢地比較多揀鯨ステーキ定食

唔通呢個先係最好味? 




下次再去東京要試埋呢個先得!

 

今次發現到呢間舖頭仲將自己d菜式做成罐頭出售,買黎做手信都好喎!

 

我買左1 set,返黎送俾人,個個都受落,因為夠特別嘛!

 喂, もしもし!  my friends! 食完記得話我知好唔好味呀!



コメントが欲しい!

 

元祖くじら屋網址: http://www.kujiraya.co.jp/

 

 

追伸:响d鯨魚罐頭上發現有一行日文字

 

解釋: 鬚鯨响世界上仲有100萬頭以上係生存緊

 

睇完即刻有d"此地無銀300兩"既感覺添!唔寫係咪仲好d呢?

食咪食咯!食左咪認左佢咯!要掩飾d咩呢?!何必又做d事出黎,傷害左d鬚鯨既感情呢!





 再講落去就會拉埋d"家仇國恨"黎講架喇!