一個人浪盪日本2009-Day 4@札幌(搵食篇)

 

2009年9月15日,陰天 

 

參觀完"白之戀人",都無為佢地個甜品buffet而留步

係因為有另一d野食更引起我既興趣,咁係咩呢?

 

主角出場,登!登!登!鄧~

 

咪就係魚生丼囉!

 

呢d魚生丼既舖頭每日好早就開門營業,所以响下晝至傍晚前就會關門

為左佢地,咁只好放棄白之戀人既甜品buffet

 

今日去呢間响札幌既二条市場

どんぶり茶屋

(揀呢間食都只係睇旅遊天書介紹架咋!)

 

要行入市場內街先會搵到どんぶり茶屋

 

掛住食,唔記得影間舖頭添!

 

我呢個"注文"(order)係叫"波丼" ,1029 yen(稅入)

有3色魚生: いくら(大魚子)/ほたて(帶子)/サーモン(三文魚)

呢個size既飯都唔係好大

女仔食就啱啱好,男仔食就要叫個大d size先夠!

 

魚生中,海膽係我至愛,其次就係いくら(大魚子),即使呢個無我最愛海膽

但當時可以食到呢個都已經覺得無比咁滿足


幸せだった(好幸福呀)！

不過呢d閃電式既激情只係維持左3日 

 

直到我主動結識到"函館さん"(函館先生)之後....

就迷上佢既謙虛,有內涵,平實唔浮誇既個性喇!

自從邂逅上"函館さん"嗰日起,我就理直氣壯咁正式對外宣佈:

"我搵到新歡,仲下左決心此情不變,即使天各一方,還是覺得你最好...."

(喂!呢位blogger,你傻夠未呀?   喂!返來啊!)

 

呢part 純屬癈up!無聊 ~

 

 

言歸正傳喇!

話札幌d魚生丼浮誇真係唔係亂講既,如果要响呢間魚生丼店

食一個有うに(海膽)既3色丼,至少要1974 yen(稅入)

其實大致上札幌同級數既魚生丼店都係差唔多

唔單止比函館貴,响大阪食都會平過佢,,所以我先話佢浮誇

 

睇下個Menu先啦!

 

不過我明白係"非戰之罪"

事實上札幌既物價可能只係比東京平少少,有d野更甚至係一樣添

 

呢間魚生丼店既一色うに(海膽)丼,有証據顯示係浮誇架!

(以下資料來自佢地既網頁)

うに丼 (2499 yen)

點解上面呢個海膽既賣相咁唔整齊既?

 

うにいくら丼 (2289 yen)

 

呢個價錢但仲要舖埋配菜+玉子先擺得滿個碗,真係浮誇噃!

點"注文"(order)得落手呀?

 

既然跟住黎既行程係會去函館同大阪

咁平,靚,正既うに(海膽)魚生丼都係留返响果度先食咯!

 

どんぶり茶屋網址: http://donburi.jp/

 

跟住行程就係搜羅美味靚蛋糕

繼續承行"只要食得落,又買得到,咁就每日食一件蛋糕"既心願

8月份既蘋果日報副刊介紹左札幌既cake shop

睇完之後已經即刻揀左兩間札幌既cake shop準備黎"朝聖"

拿拿林度埋入行程入面,真係高度重視架!

 

呢間cake shop响地下鐵站南北線,北18条站

 

Cake Shop名係Cherry Merry

 

都算近車站,只係搵左一陣間就搵到,不過其貌不太揚咁喎!

 

又要相信外表浮誇唔代表就係有"食"力(實力),任何事都唔應該只看表面咁膚淺

 

入到去就見到蘋果日報當日訪問左果個賣餅姐姐(綠衫呢個)

(以下為蘋果日報圖片)

見左佢真人,我無留意佢係咪真人靚過上鏡,只係見到佢無笑容,板住塊面黎工作

真係日本售貨業之中比較少見!

呢次响札幌留左5晚,總算對呢個地方多左新既認知

 

 

每次响日本買cake既心情,就好似選美會中揀冠軍是誰時既心情咁

 今次仲係雙冠軍添!

 

(難得黎到日本,肥死都要食,唔驚得咁多)

 

唔係要盲目去讚日本咩都好,咩都靚

不過坦白講,响香港何來會有cake shop係咁用心思去做蛋糕呢? 

大概原因可能又係出自日本人既"事事認真",咩都要靚既本色

所以先會有咁"正"既蛋糕

 

外表唔止有心思~靚,其實內裡仲好有內涵,內裡由tart底至蛋糕頂部

已經係4個層次,咁即係手工都要分4次做

呢個係生果味

 

呢件都有3個層次,味道係焦糖果仁味

 

師傅响做餅之前要去諗各種材枓响味道上既配合

所以話日本d做餅師傅既認真係由外表至內裡

420yen一件,真係一d都唔貴

買做餅師傅既心機同心思已經完全值回票價

 

其實呢間餅店雖然唔係集團經營,亦都無擠身响人流較多既百貨公司

不過佢既出品絕對唔會比百貨公司所賣既遜色

我反而覺得佢d蛋糕造型無咁大路商業化

呢兩件蛋糕甚至係我今次全個日本之旅中所食過

一番美味しいケーキでした!

(最好味既蛋糕)

 

以下係蘋果日報介紹札幌cake shop既文章




七彩菓子時裝秀

 

 

正所謂黑貓白貓，能抓老鼠就是好貓。好吃的甜品，道產與否，得獎與否，

也許都沒有你把甜品送進口的那一刻感覺重要。
高貴的甜品店，你隨便走到一間百貨公司地庫都有了，

我反而想推介這一家近地鐵的家庭式小店。

我第一眼看上是它的繽紛，個人認為北海道甜品普遍有點「白癡」，

即係好清純呀好冬天雪景呀好白之戀人那種。
連酒井法子都吸毒了，裝白癡還有人信嗎？

看 Cherry Merry的甜品櫃，像時裝店貨架一樣悅目，

圓圓的外形插了 Macaroon或鮮果，還點綴了一圈生果 Chips，

店員說粉紅的是士多啤梨味、黃色是芒果味。我吃了午餐，

痛定思痛才選定其中一個來吃，外層一圈士多啤梨忌廉的包裹下，

居然，是天然的熱情果味，帶點微酸，很真實也很夏日，

餅底是烘得恰到好處的曲奇，再感受生果 Chips為舌頭帶來的微妙刺激——

我決定食埋果仁嗰件。

 

 

Cherry Merry

地址：札幌市北區北 17条西 3丁目 2-21
電話：（ 81） 11-716 6495
交通：地下鐵南北線北 18条駅步行 1分鐘

http://hk.apple.nextmedia.com/template/apple_sub/art_main.php?iss_id=20090821&sec_id=12187369&art_id=13120682