一個人浪盪日本2009-Day 5@札幌(搬酒店)

 

2009年9月16日,上晝突然好大雨 下晝突然變天晴

 

 

今朝食完早餐第一件事係要搬酒店

忍左住兩晚"暗房",今日終於都可以離開間" けち(孤寒) 酒店"咯!

札幌JR站附近有3間東橫INN,呢次我book左"東橫inn西口北大前"

因為佢比起另外兩間無咁接近旺區,所以房租比較下都平少少

(其實去旺區只係行多一,兩分鐘路)

今次又要"打破平野無好既定論"喇!

 

呢間東橫inn因為對住北海道大學

所以環境清幽d,又寧靜d,花花草草都多d,空氣又好d

如果住响向街果邊d房,都幾唔錯架!

 

响" けち(孤寒) 酒店"住左兩晚"暗房",黎到東橫inn總算有d運氣

雖然只係住2樓,但係一間向街既房,唔駛再樓對樓

 

如果住另一邊都係會樓對樓,但比起我住" けち(孤寒) 酒店"既情況

呢間東橫inn已經好好多,至少同隔離幢樓仲有d距離

 

呢次又係book左間特價既單人房5985yen一晚 (標準單人房係6300yen一晚)

佢之所以平少少,因為係電梯隔離間房

 

而且房間既面積係細過標準單人房少少,有小小梳粧枱,但擺唔到櫈

  最緊要係間房光猛

 

响"けち(孤寒)酒店"都忍左兩日

咁就算呢間房細左少少,但全部野互相比較之下,東橫inn真係平,靚,正

見到間房有窗有光,簡直有d重見天日既感覺呀!

気持ちいい!(好舒服啊!)

 

 

窗口外邊係騎樓,不過騎樓只係逃生之用,唔係觀賞風景用途

不過可以望到北海道大學,其實都幾唔錯啦!

相信到左冬天有雪時,個景色應該會仲靚d!

 

 

東橫 inn既Lobby夠晒光猛!

 

呢間東橫inn除左提供自助早餐之外

夜晚 6:30pm至7:30pm仲有免 費咖哩飯供應俾住客

味道都唔錯架,慳左d晚飯錢就可以買多份魚生食

計埋都有"so"!

 

 

東橫inn,我會繼續支持你!