一人浪盪在日本2009-Day 4@札幌(白之戀人公園)

文章日期：10/21/2009 11:23 pm

 

2009年9月15日,陰天  

 

今日前前後後都要坐幾次地鐵

既然係咁,咁當然係買one day pass會抵過買散車票啦!

(張車票有d幾米既style喎!)

 

地下鉄専用1DAYカード: http://www.city.sapporo.jp/st/card.html

如果係星期六,日及公眾假期仲只係500 yen添!

抵玩啦!

 

 

今日要坐地下鐵東西線去觀光,毫無美感可言既月台閘門

 

見到呢一對貓,就知今日係去"白之戀人"公園啦!

 

旅遊天書無講點行去,好彩响地鐵出閘口就見到呢張燈箱海報

其實穿過商場行出街,再行多少少路就見到架喇!

 

 

見到呢間紅磚屋就係喇!

 

再行前d就係呢個入口喇!

 

一行入去個感覺已經好似童話世界咁架喇!

 

日本之旅黎到呢一日(第4日),先真係似返d樣,

至少呢度總算可以影下相,觀光一下!

 

公園又點會無花呢?品種仲應有盡有添!

呢幾日都無咩影相,宜家要搏命影返夠本先得! 

 

呢度環境咁好,連河馬都寧舍肥大肉厚既!

咦!做咩呢度會嘔晒泡架?

 

睇埋下面條片就知咩事

 

咪就係每小時一次既機動公仔出黎表演囉!

三個廚師兼埋做管樂手

(宜家經濟唔好,連做廚師都要通識琴棋書畫吹喇叭呀!) 

d動物走出黎做雜耍

 

連"白之戀人"隻代言貓都出埋黎玩,响呢班廚師後面大做show

 

 

未開show時個舞台就係咁樣既

 

全場陷入一片歌舞昇平,連貓頭鷹都要出黎日間活動

 

連狗狗都唔執輸呀!

 

去到尾聲時就全場大放肥皂泡,在場每個人唔理年紀,個個都睇得相當興奮

 

的確要衷心一讚呢d日本企業

雖然做一個景點出黎係可以引來遊客,招來生意而且係好好既宣傳手法

 

但佢地可以"無料"入場,而且仲好認真咁做好每一個細節

唔會因為係"無料"就馬虎草草了事,將價就貨

日本企業既認真程度真係要讚!

    

 

 

 

 

 

呢個每小時一次既動機表演我特登留响度睇左兩次

因為全個公園每一個角落都有野睇,睇一次真係睇唔晒

 

到佢大放肥皂泡時,真係睇得在場個個都心花怒放

果一刻就好似處身一個夢幻童話世界咁開心呀!

 

除左公園係"無料"之外,室內仲有少部份係"無料"既

 

無欺場既室內裝飾,都好grand架!

 

响呢度既11am-3pm有甜品buffet(限時90分鐘)

本來我都一心諗住要去食既

不過因為後來行程突然要改左少少,所以無緣品嚐添,残念でした! (可惜!)

 

白之戀人網址: http://www.shiroikoibitopark.jp/