大阪牛奶雞蛋布丁(A貨)

响大阪旅行時遇到人生中最美味既"佢"之後

(即係大阪"りくるーおじさんの店"既牛奶雞蛋布甸)

同"佢"分別返到香港之後,真係無法忘記"佢"

 

响香港d日式超市賣嗰d....咁點解決我呢個單思既慾望呢?

 

好彩,我唔係得把口去彈三彈四,我仲識得做

响呢個情況下都係"求人不如求己"

其實由上次既旅行結束左之後

返到香港,我已經係密密手咁試整過,食譜既材料份量改完又改,終於都~

やった、やった

(搞掂左!)

好彩!我幾驚响未試到啱口味之前,就已經食厭左呢樣野!

宜家還好,至少我仲係好興奮咁歡迎呢個將會係我屋企既"常客"

以後唔駛等飛到大阪先食到啦,我屋企個雪柜都會有佢既踪影

 

雖然我會好謙虛咁認為都係大阪"りくるーおじさんの店"嗰個先係最好味

但對於我呢個含有"血淚史"既牛奶雞蛋布甸

兼且係冒住會增磅既風險下黎完成"佢"

咁我一定會俾好多"人情分"啦,所以係"極高既評價"

"佢"至少令我呢個"百彈齋主"都話好味先啦!

 

睇落真係無咩特別,但係要食入口先知呢個絕對唔係"牛奶燉蛋"

"佢"係口感好rich既"牛奶雞蛋布甸"