9月24日,全日天晴
非常熱
非常熱
响京都街頭,好易就會見到着和服既年輕日本女仔,"古都"的確有"古都"既風情
日本傳統和服至少由12件組合而成,呢一日熱得咁緊要,真係難為左呢個日本姐姐喇!
熱かった,熱かった!
我慢した,我慢した! (好熱,好熱!忍,忍!)
八坂神社既規範比清水寺細好多,不過既然行路都去到,咁就去打個白鴿轉啦!
反正係"無料"入場 
(其實我都坐左兩個巴士站架,咁熱都懶得行啦,況且都買左"巴士一日票"咯!)
八阪神社係日本全國"祇園社"既總神社,而每年七月舉行既"祇園祭"就好有名
八阪神社原稱“祇園社”或“祇園感神院”
响明治時代既"神佛分離令"施行後,先改稱"八阪神社"
主要既祭神是素戔鳴尊,櫛稲田姫命,八柱御子神
其中以素戔鳴尊係最被崇拝既
據神社方面既說法,建造呢個神社係為左保佑人民既健康
869年京都疫病蔓延,好多人都因為傳染病而死於非命
當時既人認定係牛頭天王或素戔鳴尊作祟,令人命歸黃泉
因為咁d人就因為恐懼而祭祀神靈,信仰祇園神社
呢個就係八阪神社既前身,供奉素戔鳴尊以求消災去病
但係當時疫病無停止過,仍然繼續流傳
因為無解決既希望,當時人民對於社會上有勢力既人就心存不滿
於是民眾就响祭祀中當作為發牢騷既地方 
呢個祭祀就發展成為左宜家既"祇園祭"
所以建築八阪神社既歷史,同祇園祭係息息相關嘅
响門口又見呢d"豬流感"水池喇!
呢個係"正殿"
呢個係"美御前社"
呢個係"舞殿"
呢個唔係今年2010年既厄年歲數呀,今年係平成22年喇!
信則有,不信則無 ~百無禁忌
下一站係去平安神宮,又係坐巴士去
見到呢個大鳥居,咁呢度就係平安神官喇!
大鳥居建於日本昭和初期,高24.4米,闊33米
最下面的柱子的周圍有11.4米,係全日本最大既"大鳥居"
而平安神宮號稱為日本最大規模既宮殿建築
呢個係"神門",又稱為"應天門"(大門入口)
門口掛左一對巨大燈籠,見到呢對紙造既白燈籠,真係有d大吉利事既感覺架!
平安神宮係京都著名既神社中,歷史比較短嘅一間
1895年為左紀念桓武天皇遷都到京都1100周年而興建嘅
當時,因為德川幕府末期既戰亂,市區都荒廢左,情景令人慘不忍睹
而且,明治維新初期,東京正式成為日本既首都
當時令到京都既居民,精神都受到唔細既打擊
响呢個情況下,拯救京都係市民對於京都復興既熱情
同全國人民對京都既期望,人民開展左好多復興事業
同時將精力貫注在傳統京都既文化上,極力咁去維護同繼承
平安神宮既是為左既將1000多年繁華盛隆既都城文化傳俾後世
又能表達各人專心致力於復興京都既夙願而展開既巨大工程
平安神宮係作為新京都既象徵,成為京都人既精神支柱
令人感到呢個係歷史悠久既神社所沒有的精神力量
下面呢個係"太極殿",神社既職員d制服,有d似韓國民族服裝喎!
"太極殿"後面既係"本殿"(無相片)
舊既"本殿"响1976年(日本昭和51年) 1 月,俾人放火燒毀
宜家既"本殿"係响1979年 (日本昭和54年)再重建既
"本殿"後面既寬闊庭院「神苑」,有料參觀,大人係600yen
相傳係日本明治,昭和年間既著名園藝師---第七代小川治兵衛
花費20年精心打造既池泉迴遊式庭園
被視為日本明治,大正期之庭園代表作,更被指定為日本國家名勝
如果係櫻花期時,呢度一定係靚絕呀! 
求完韱之後(唔理好定醜),就將支韱文摺好掛去呢度
又等我揭下人地d心願先~
吳振宇
陳鈺雯 
此"吳振宇"不是彼"吳鎮宇"!
陳鈺雯 此"吳振宇"不是彼"吳鎮宇"!
沒有留言:
張貼留言