演員:藤木直人,仲間由紀惠
雖然覺得藤木直人既演技麻麻,不過只要d角色唔需要太多內心戲
咁佢都係會演得恰如其份
佢個 look都似做d有識之仕,菁英咁架!
(係菁英,唔係耆英,話晒佢都有副ハンサムな顔"靚仔樣")
佢同仲間由紀惠,都算係一對俊男美女既配搭,養眼!
預告片
我幾鐘意呢套戲,因為又係有d意想不到既劇情
上半部以為只係普通綁架案,但下半部就幾精彩
仲要係出現好幾個"意想不到"
不得不讚呢d劇情先叫做"引人入勝"
表面上策劃綁架案既係藤木直人,被挷者-仲間由紀惠
兩個人相遇,各有所需地自編自導咁安排綁架案
高傲自信既藤木直人一直都自以為將綁架案安排得完美無瑕
後來先知道原來自己只係俾人操控咁墮入呢個騙局中
綁架案結束,所有野都真相大白
藤木直人可能要面對俾警方懷疑係策劃人
心心不忿既佢,再一次安排另一場綁架案,目的係.....?!
(呢一段又係意想不到)
藤木直人同仲間由紀惠有一段互相懷疑既感情戲
就係因為响綁架事件中,雙方都係互相出賣,互相利用
但又互相吸引....
劇名係 g@me
作為一個觀眾都好似參與緊一個game一樣
完全估計唔到劇情發展,完全係任由套戲黎帶動思維
咁已經係成功既一套戲,引人入勝,劇本都寫得週詳
絕對要讚!
沒有留言:
張貼留言