9月24日,全日天晴
非常熱 
雖然話尾程去大阪係為左shopping+繼續食
要我响大阪呢幾日入面都只係食同買,咁又真係會幾悶
所以响大阪行程中,點都要觀光一下
去過大阪4次,大阪附近既地方-京都,神戶,奈良都留低過我d腳毛 
只要係一個觀光既好地方,都值得去完再去,今次揀左去京都,已經闊別京都3年喇!
由大阪站去京都站,坐JR新快速,大約30分鐘就到
行出JR京都站就會見到京都塔,京都塔已經係我呢個行程中所見既第3個高塔
黎過京都幾次,都從無諗過要上呢個高塔
梗係啦,京都係一個古都,黎得呢度,最吸引既當然係d古寺啦!
點會係呢個(蛋糕上的洋燭)高塔呢? 
哩個京都塔既年紀都唔細架喇,1964年12月28日啟用,計落都足足有45歲咯 
唔好睇佢已經步入中年,1995年阪神大地震時
京都呢度錄到5級既震度,當時用肉眼都見到京都塔出現搖晃
事後檢查時,佢並無損傷,果然係"老當益壯"
京都滿街都係"鬼影處處",東京都無咁多
响京都觀光最方便係坐巴士,出發之前係要買"一日通用票"先,咁又慳左少少交通費
今次買"一日通用票"係連埋交通路線圖既,上次黎京都時,都無呢張路線圖,今次方便左好多
我覺得京都最值得去既地方係清水寺一帶,呢區連住幾個景點,可以順路咁觀光
由京都站上巴士,大約20分鐘車程就要落車,之後仲要行一段斜路
途中見到一間食店,門口有呢隻公仔
呢隻公仔响日本好多舊式舖頭都會擺佢响門口,聽講好似係"吉祥物"
有無人可以話我知佢既底細呢?
日本果然係貫徹始終講"煙微廚"(Image)
連自嘲個樣似"外星人"
既鳩山首相都要重新包裝
眼然眼前一亮左少少喎!至少會吸引我影低呢張相啦!
連自嘲個樣似"外星人"
既鳩山首相都要重新包裝眼然眼前一亮左少少喎!至少會吸引我影低呢張相啦!
其實最吸引我既係隔離呢個日本姐姐就真
消費稅廃止!
消費稅廃止! "幸福実現党"の大川きょう子、お願い致します(拜托你喇!)
你既改革政綱,包含埋我既幸福添呀!
真係會"幸福實現"?
呢幾件雕塑好有藝術感同創意呀,I like it! 
响清水寺一帶,有好多好多賣手信既舖頭,賣既野都幾千篇一律,悶!
間間賣既野都差唔多,甚至係一樣,連價錢都一樣
左大約20分鐘終於都去到清水寺,呢d傳統古寺既入口,一定有小水池俾"善信"洗手,嗽口即使係豬流感,
肆虐,d日本人都無有怕
根據紀錄响778年
大和國子島寺(現存奈良縣高市郡高取町)既僧侶延鎮上人响夢中得到啟示,
而拜訪既靈泉所在地,就是宜家清水寺既位置--音羽山
山上有修行幾百年既修行者(又言觀世音菩薩的化身)名為行叡居士
行叡對延鎮上人留下「我要出發去東國,呢度就交俾你」
講完呢一句話之後,就離開呢度
延鎮把行叡居士留下既靈木彫刻為觀世音菩薩像之後,安置响草庵
咁呢度就成為清水寺
805年坂上田村麻呂被賜了寺地,810年得到嵯峨天皇既許可而成為公認既寺院
由嗰時開始清水寺先逐漸開始變得有規模
清水寺一些殿宇經常遭到火災
宜家正殿等殿宇係响1633年由徳川家光捐贈重建,先擁有今天既規模
真係無時無刻都遊人不絕,呢個景仲係必影既
紅葉期時,呢一片綠色既楓樹就會變成紅色,相當壯觀
3年前影既相片,嗰時就係黎左京都睇紅葉
另一個必影之地
呢度開滿紅葉又真係幾靚既 (3年前既照片)
清水寺係依山而建既,最大既特色係全個木台上
木柱同木柱之間,係入用筍形式固定,連一口釘都無 
响日本比較有規模既寺都會有呢d俾人祈願既木牌
我幾有興趣"揭"人地d心願架,最多人求既心願都係求合格,求戀愛
我幾有興趣"揭"人地d心願架,最多人求既心願都係求合格,求戀愛
下面呢個係"音羽の滝",係日本既十大名水既第一位
以前被稱為"黃金水","延命水",亦都係"清水寺"得名既由來
以前被稱為"黃金水","延命水",亦都係"清水寺"得名既由來
下面三條泉水,分別係祈求健康,學業同姻緣
又係好多人响度排住隊"等運到",實情係等散播/傳染豬流感就真!
沒有留言:
張貼留言