環保/慳家-豬肉絲

 

自從百物騰貴之後,老媽d家用越黎越唔見駛

成日聽佢話豬肉貴左幾多,買魚又好貴....

可惜我都無人工加喎,咁我又可以點呢?

無錢可以供奉,唯有供奉d寶貴時間

將d物件循環再用,食物就循環再食

 

我屋企經常都有"老媽靚湯"一大煲

煲完既湯渣都無乜味,但咁大舊豬肉

食之無味,棄之浪費 (好多落後地方既人想食都無得食)

 

好啦,咁我咪付出d時間搣豬肉絲,再返炒黎循環再食囉!

原來搣幾舊豬肉都好花時間

我即刻諗起以前街市有婆仔搣芽菜黎賣

原來係d咁厭惡性既工作,芽菜值幾多錢遮?

個婆仔仲要逐條黎搣,真係陰功!

 

金睛火眼咁搣完絲,仲要對住個鑊黎慢火炒

冬天還好,夏天真係會熱到中暑架!

咁多工序,唔怪得之街賣豬肉絲唔會平啦!

 

呢個唔止係零食,仲係每朝既早餐~肉鬆三文治

遲下要再慳d,可能連麵包都要home-made架喇!