2013 日本之旅 DAY 2 @白浜 - 我和白浜有個約定

 

 

2013年6月14日,星期五 (上午), 白浜天氣

哩次行程係相當緊湊 6日入面要離開大阪走訪3個縣

所以白浜都只能夠逗留24小時就要閃人

白浜主要係靠巴士連接各區,而觀光區嘅巴士又相當疏落



哩一日係6日行程中响連接交通上係最大壓力嘅一日



首先由白浜坐高速巴士去和歌山



响和歌山坐巴士去碼頭,緊接尾二班次嘅船去徳島



落船後接尾班巴士先去到徳島駅嘅酒店



如果有咩差池就會延遲船嘅班次,局住要坐尾班船

咁就無巴士由碼頭入德島市區到時又要俾錢坐的士

所以真係一分鐘都不能出錯



黎到白浜當日已經買左高速巴士由白浜去和歌山駅嘅車票

14:28(発)白浜,16:35(着)和歌山



响ADVENTURE WORLD餵完動物之後,只係再逗留左一陣就走

為左唔好錯過巴士班次返酒店攞返啲行李,午飯都打算响酒店附近食

為左要堅持响日本食到好野

所以白加煎又係一早做左功課  酒店附近都有美食

對白加煎黎講,最吸引仍然係日本嘅海鮮,仲要食生嗰啲

酒店行出去大約3分鐘,店名:喜樂



食評網站既評分係3.37 (滿分5分),佢係一間"地魚料理"

入到舖頭侍應姐姐見白加煎同友人以非日語對話

所以就問要邊種文字嘅食譜: 英文MENU?日文MENU?

隨即友人就答:英文!
 白加煎心中打個突 英文?
所謂嘅英文MENU,其實部份英文係羅馬字拼音,睇拼音咁叻?

咪玩啦~唔該!


白加煎隨即補飛答: 日語MENU就可以,我地識漢字嘅~








哩間店舖最自慢嘅食品係"山葵寿司",仲隆重都為左佢而設計左漫畫

仲話係全日本唯有哩度先食到

因為白加煎無注文哩個,唯有响網上一睹佢嘅風采

食評網站上嘅留言

山葵寿司も、この店の名物らしいので注文した。
葉でくるんだ中には、鯛が入ってます。　けっこぅ山葵の香りが利いとる。


似乎係將傳統壽司嘅紫菜改用菜葉,而入面係鯛魚

上網揾到嘅介紹,果然係紀州名物喎

霸佔白加煎頭心頭好嘅正餐仍然係魚生類

所以哩次揀左"熊野路丼"




價錢都大眾化,盛惠1350 YEN

魚生丼就無乜特別,不過都相當新鮮,至少有光澤






哩個"熊野路丼"特別嘅地方係右上角嗰碗伴汁

侍應姐姐仲話要將生雞蛋混入伴汁內,然後撈飯食





白加煎對生雞蛋係有抗拒,所以撈好左之後仍然係相當猶疑

不過侍應姐姐強列推介就姑且一試啦~




好保險咁只係倒左兩匙伴飯一齊食,不過唔見得有乜咁好食

所以最後都係當作普通海鮮丼咁食




友人就相當勇猛咁一口氣倒晒全碗伴汁落啲飯度,完全係一碗糊仔撈飯





不過朝早發生嘅激氣"操控事件" 後,往後嘅行程白加煎選擇左沉默 

關於激氣"操控事件": 2013 日本之旅 DAY 2 @白浜 - 動物開餐

 唔會影响到自己嘅事就無謂講,而且都要尊重人地嘅個性/ 智慧/ 習慣




習慣左單人匹馬出門嘅白加煎都要明白結伴同行係會失去某啲自由

連講說話,甚至俾表情都要三思,以免搞到行程中途唔開心






食完午飯返酒店攞返啲行李就去等高速巴士去和歌山

車程只係兩個鐘,所以不設中途站俾乘客休息





去到和歌山駅,大約有90分鐘空檔時間

响友人要求下將行李寄放响COIN-LOCKER,跟住就各自分頭SHOPPING



黎到和歌山駅嘅購物區,就聽到好多廣東話




後記:
白浜係一個好地方,他日一定會再黎

事實上哩次唔夠時間好好享受哩個地方

好出名嘅千畳敷,三段壁洞窟都無時間去

又錯過左ADVENTURE WORLD入面好多活動

酒店嘅設施又無好好咁利用

咁靚嘅白良浜海灘都只係走馬看花咁逗留左20分鐘

全部無做到嘅活動可以另作安排,他日再重臨舊地

哩度至少可以用一日時間去ADVETURE WORLD

再用一日時間去戶外觀光,咁已經係一個3日2夜嘅行程

 

ADVENTURE WORLD網頁