2013年6月13日, 星期四 - 白浜天氣
今次行程為乜會去白浜?印象中和歌山白浜只有靚海灘,風化石頭,夏天嘅花火,温泉酒店
不過同行友人話和歌山可以玩海豚
白加煎上網搜尋,的確有一個好大嘅ADVENTURE WORLD响白浜,咁所以先會有哩次白浜行程
不過後來同友人確認,佢所講嘅並唔係ADVENTURE WORLD
係一個唔近白浜而又比ADVENTURE WORLD細嘅水族館
既然係咁,就係將錯就錯,去左個更大嘅動物世界
白浜係温泉區,哩次唔係自駕遊,所以乜都要以交通方便為大前題
咁就揀左哩間位置响BUS CENTRE旁邊,背後就係白良浜海灘嘅酒店
睇官方網頁時,覺得哩間酒店好大,似係RESORT咁樣
真實去到時,點解門口嘅宏偉LOOK同官方網頁唔一樣
一度令白加煎同友人以為哩個係後門,結果兩個人响門口來回騰左一次
雖然有D懷疑,但都衝左入去,好彩無入錯
FRONT DESK兩位姐姐都相當有禮,白加煎同友人放低行李就速閃人
天黑返到酒店先睇真D酒店個LOOK,的確唔係RESORT嘅SIZE
不過哩間酒店環境同設備都相當掂,價錢更加要讚
白加煎同友人選擇"宿一宵+早餐",每人係6500日元
哩間酒店有海景房(當然係貴D啦)
又有出租嘅露天温泉,限時45分鐘,啱晒D需要私隱嘅人仕租用
白加煎已經接受到响日本浴埸同其他陌生女仕肉帛相見
不過哩次都無浸温泉,皆因為6月天,行出街仲熱唔夠
仲要浸温泉?
如果住貴價房間,夕食可以選擇响房間入面食
又可以自行注文唔同食材(加餸),服務週到真係要讚
哩次被安排住尾房,原來房間比起其他嘅更闊落
房間入面有個幾闊落嘅玄關
傍晚返酒店時,FRONT DESK有個識D英文嘅叔叔
大概係見到白加煎同友人嘅護照係黎自香港
所以酒店叔叔自動作引導同引路,雖然叔叔嘅英文唔算太好
不過以佢嘅年紀,白浜又唔係大城市,叔叔都可以用英文同人客應對
好叻啦!
見到佢腦筋急轉彎
咁努力用英文解釋,白加煎有D窩心,又再加印象分喇!
細心嘅服務,叔叔帶埋白加煎同友人返房,連走火樓梯响邊都講埋
入到房間繼續解釋各樣,哩種貼心服務態度要
响大堂留影時,叔叔又係主動走黎話幫白加煎同友人影合照
哩間酒店,白加煎俾足滿分,真係無野要彈
關於南紀白浜區嘅酒店,旅館,民宿,請CLICK以下, 豐儉由人
沒有留言:
張貼留言