2013年6月13日,星期四 (早上) 白浜天氣
落機之後好順利
咁即時上到免費接駁巴士返出1號客運大樓接駁巴士落車站同1號客運大樓相距都唔係近,要穿過南海電鐵售票大堂
以往白加煎總係會選擇坐南海電鐵入大阪市區
但今次就發現左有機場巴士去難波OCAT,以後多一個輕鬆嘅選擇
今次OCAT正正就係白加煎轉高速巴士去白浜嘅車站
咁坐巴士當然係最適合不過嘅選擇
以前同好多香港人嘅習慣一樣,認為梅田係最方便,但哩次就有理由愛上難波
以後都首選住難波
1號客運大樓出面有一列長巴士站,去難波就係11號車站
自動售票機都分左車站,11號車站嘅車票响最就近嘅自動售票處購買
單程車票1000YEN, 14日內有效嘅來回車票1800YEN
機場服務係唔同D
行李有叔叔幫乘客運上車乘客會收到自己件行李嘅收條,落車時又係憑收條攞返自己件行李
由機場去難波車程大約1小時,白加煎都把握時間,小睡片刻
巴士係隨時可以瞓覺嘅地方,因為咁樣令白加煎愛上坐巴士遊日本
大約1小時車程去到OCAT
之後第一件事係買車票
08:10開出嘅高速巴士,係第一班去白浜嘅高速巴士
難波OCAT至白浜高速巴士
http://www.kakuyasubus.jp/kansai_hokuriku/shirahama_express/#sub_timetable_anc
安頓好之後,可以稍為停一停食個(快)早餐
响"落土"上無叫過食物,半空上嘅自費食物係"高天殺價"
倒不如落地先食,至少食物鮮D,價錢又抵D
咁早嘅OCAT地庫,除左面包店同便利店已經營業中
餘下就只有"麥記"同"意大利的番茄",白加煎一早就調查好食的選擇
好明顯白加煎對食係相當執着,而且對行程都力求食,食,食
的確去到日本就唔想錯過食好野嘅機會
是日早餐就係"意大利的番茄"嘅沙律同綠茶LATTE
快餐速度咁食完一個早餐,就要撲返上2樓等上巴士
8號閘口嘅巴士係去白浜
是日第一個行程就係ADVENTURE WORLD
其實高速巴士係直達,不過白加煎就選擇左先去酒店放低行李
上左高速巴士又係小睡時間,白加煎買車票時已經故意買左兩個窗口位置
就係要好鬆動咁同友人可以一人霸兩個座位黎各自瞓覺
補返飛機上嘅睡眠時間
就係要好鬆動咁同友人可以一人霸兩個座位黎各自瞓覺
補返飛機上嘅睡眠時間
由OCAT去到白浜只需3個多小時車程
中途休息站就只有哩一個,哩度已經係和歌山
中途休息站就只有哩一個,哩度已經係和歌山
天氣相當好,一D颱風本來殺到大阪,和歌山嘅跡象都無
離開大阪嘅高樓大廈之後,第一個景色就係哩度,心曠神怡呀!
以往白加煎坐零晨機之後,緊接上高速巴士去第二區觀光時
必有以下嘅想法:
頭先一齊坐飛機嘅人,當佢地半夢半醒嘅狀態下
逛緊街之時
白加煎已經出發遠離鬧市,俾群山同靚風景包圍緊自己喇!
哩個中途站入面有間幾有規模嘅便利店,或者可以話係迷你超市
司機叔叔俾嘅20分鐘休息時間確實係唔夠逛
哩D中途休息站,白加煎當係坐巴士嘅額外觀光點
如果係選擇坐JR,就只有金睛火眼留心幾時要轉車,落車,再等車....煩+累!
高速巴士中途嘅停車站,見到哩D咁簡單古老STYLE嘅JR站都覺得相當有趣
難得一見嘛!
落車前10分鐘到,中途有個"とれとれ市場"
入口前嘅露天停車場至少有100個車位,即係都相當大
見到哩條魚都估到入面有海產食
事實上白浜係臨海地區,點會無新鮮海產
可惜事前準備不足,再加上今次行程緊湊,無時間去哩度8下
咁就留返下次,白浜已經被列為值得舊地重遊之地
上網揾到哩張店舖廣告,口水直流緊.....
沒有留言:
張貼留言