2013年6月13日, 星期四 (中午),白浜天氣
高速巴士直到ADVENTURE WORLD,行李都可以放ADVENTURE WORLD嘅LOCKER
不過白加煎依然選擇先去酒店放低行李,咁做唔係多此一舉
除左要揾個地方托管行李之外,仲要趁巴士售票處營業中
就要買定翌日高速巴士車票離開白浜,哩D事都係預先做好先可以放心去玩
哩個售票處有D簡陃, 入面唯一一個職員係一個HEA住嘅亞蟬
寫左俾佢睇買兩張高速車票,座位要分開坐,要兩個窗口位
佢都亂黎咁俾一個孖座位編號,叫佢改,佢又HEA下HEA下唔想做咁款
俾1700 YEN 但係手寫嘅車票
哩個時候白加煎覺得白浜係一個比較落後嘅地方
响巴士售票處除左要買高速巴士車票之外,仲要買一個2日巴士PASS
盛惠1300 YEN
隨車票仲有一張極度難以理解嘅巴士時刻表
响白浜兩日,諗要坐邊架巴士諗到白加煎有D恐懼症,甚麼11號,101號,102號....
完全係投降
仲搞到要响日本第一次坐的士
巴士PASS可以於限定日期無限次任坐以下觀光點嘅巴士
白浜出名嘅石頭景點全部都係沿海地方,唯有ADVENTURE WORLD唔係
所以行經沿海巴士就有好多車,但去ADVENTURE WORLD就只有一架101號巴士
而最後一班經過BUS CENTRE嘅巴士係12:12開出
係呀,無寫錯架
日光日白嘅12:12係最後一班巴士
白浜出名嘅石頭景點全部都係沿海地方,唯有ADVENTURE WORLD唔係
所以行經沿海巴士就有好多車,但去ADVENTURE WORLD就只有一架101號巴士
而最後一班經過BUS CENTRE嘅巴士係12:12開出
係呀,無寫錯架
日光日白嘅12:12係最後一班巴士
白加煎同友人响BUS CENTRE買完車票就大安旨意响哩度等車
時間尚早有時間逛埋隔鄰手信店,同行友人已經留心各樣手信,睇啱就"豪俾錢"
紀洲出名嘅係"梅",哩間手信店都係以"梅"作招牌
手信無買,但天氣咁熱
就食左一杯軟雪糕
有柑味,醬油味,桃味
基本上白加煎係一個勇於嘗試嘅人,唔試過又點知work 唔work?
只要自己負擔得起,為乜要拒絕接受新事物嘅機會?
3種味道,最有創意都係醬油味,咁當然係試醬油味啦!
唔講都食唔出有醬油味,講左都一樣食唔出係醬油咁囉!失敗!
不過失敗都係一個正面嘅經驗
至少都以後有話題同人講,醬油味雪糕?!
把鬼 !
食完雪糕等了又等,白加煎响車站好無聊咁四圍睇野,突然發現哩個巴士站無101號巴士嘅站牌
奇怪喇?!不過PASS嘅時刻表真係寫左101號巴士响12:12經過BUS CENTRE
既然係咁,又無再懷疑,繼續曬住黎等
時間一分一秒咁過,12:12都過左,12:25到站嘅巴士都黎到
為乜架101號巴士隱左型?
哩個時候先發覺唔對路
走去售票處問入面嗰個"HEA住嘅亞蟬":去ADVENTURE WORLD嘅巴士仲未到嘅?
佢好氣定神閒咁答: 未夠鐘!102嘅巴士係12:XX先到站
102號巴士?不過白加煎同友人係等緊101號巴士喎?到底發生咩事?
仲係唔知發生緊咩事嘅白加煎唯有聽個HEA亞蟬講,上左跟住黎嘅102號巴士
上左車問司機叔叔
同司機叔叔用低級程度日文溝通左一陣,終於明白發生乜事
101巴士站轉左第二個位置,而當時所搭嘅巴士只係去到白浜JR站
如果要去ADVENTURE WORLD就要去到白浜JR站再轉車
SHOCKING!
哩個時候一心諗住可以有咁快,得咁快去ADVENTURE WORLD
親身玩海豚嘅友人已經變為咁嘅樣
唔知點解白加煎又好似當成為自己嘅錯,自己嘅責任?!
都仲係一個人嘅旅行會少左哩份要對他人負責任嘅壓力
跟團都唔包行程無誤,而白加煎確實又唔係日本通
為乜自由行會搞到有心理負擔?
如果同行嘅人係去邊同埋做到乜都無所謂,相信咁會輕鬆好多
巴士去到白浜JR站,好友善嘅嬸嬸見到兩個女子有D慌張,有D亂
主動走黎問白加煎同友人想去邊度?
結果就知道去ADVENTURE WORLD嘅巴士大約30分鐘後先開出
等30分鐘,之後坐10分鐘車程,咁咪即係40分鐘,耐左D喎!
當時的士站有幾架的士等上客,白加煎問嬸嬸如果坐的士大約幾多錢?
大約係1200YEN,兩個人平分都唔算好貴
咁就發生左日本的士初體驗
睇返先覺得有趣,白浜哩度D的士司機係咪都有觀光研修終了証?
仲寫埋興趣係釣魚
後記:
其實為乜明明企响BUS CENTRE都會等唔到101巴士?
哩個謎响回程返酒店時先揭盅
坐高速巴士黎到哩度時,白加煎同友人係响哩個BUS CENTRE落車
而售票處嘅BUS CENTRE就係對面街嘅轉角路口
一條街有兩個叫做 BUS CENTRE 嘅巴士站,所以咪傻戇戇咁走左101號巴士都唔知囉
真係大整古!
沒有留言:
張貼留言