2013 日本之旅 DAY 1 @白浜 - 寂寞北極熊

 

 

 

2013年6月13日,星期四 (下午) 白浜天氣 







ADVENTURE WORLD佔地相當大





除左有海上動物,陸地動物之外,仲有機動遊戲

官方網頁圖片





網上圖片:停車場+園內部份位置




網上圖片: 野生動物區,有D似非洲D野生動物公園,哩區要坐車先可以行完一圈

今次行程緊迫 留响白浜嘅時間有限,無法安排一個全日响哩度

而ADVENTURE WORLD係友人嘅"心儀主菜" 

所以決定買張2日入園票,第一日玩一個下午,第二日玩一個上午





一日票係4000 YEN,哩個票價比起香港海浪公園,真係物有所值好多 





因為係友人嘅"心儀主菜",所以哩日行程全交俾友人安排



响ADVENTURE WORLD有好多活動可以俾遊客額外付費參與 

友人一開始就鎖定目標哩個只供6人參與嘅 Dolphin Friend Ship(Canoe) 

活動時間係14:45,至於如何報名呢?




友人係唔知,而白加煎更加係唔知,話左交俾人安排咁就全權由對方負責

而白加煎抱嘅心態係隨遇而安




落左的士,兩個人一枝箭咁衝去買票入場 

之後就直衝去Marine Wave,問左工作人員哩個活動仲可以報名嗎? 

對方回答:已經額滿 

如果哩日參加唔到,翌日都唔會參加到,因為翌日14:45已經離開左白浜 

友人因為咁已經無晒心情,連睇下報到名嘅人係點玩都無心情





去片: http://www.youtube.com/watch?v=RiTKqLdnOGc

其實哩個活動只適合能夠用日文溝通嘅人參加

因為要聽工作人員指導而俾指令D海豚,白加煎同友人D日文只係低級+更低級程度

如果點都要玩嘅話,只會阻住地球轉兼影響埋其他人嘅進度同心情

返到香港睇返條片,白加煎慶幸玩唔到,實在唔想自製尷尬場面





雖然無法參加Dolphin Friend Ship(Canoe) ,不過翌日都有其他活動可以參加

計劃同海豚拍照留影




無得同海豚玩,友人已經心情大跌,哩日响ADVENTURE WORLD只係HEA

先係去左手信店

其實為乜全個半日都睇唔到任何海豚/海獅表演呢?

唔通白浜D海豚,海獅,每日只表演一場咁歎?

哩個係當時白加煎嘅問題,不過問左都只係換來HEA的半天

而且哩度太大,有時揾場館入口都要問人,而工作人員都唔係時時會撞見到

 隨遇而安,無謂影響旅行嘅心情



之後去左北極熊館







响2000年2月3日,哩度有隻北極熊出世,不過生存左101天就過世



直到2009年10月13日先再有另一隻北極熊出世






佢地係一家3口,3歲嘅囝囝獨自被隔離生活








3歲嘅北極熊其實都係細路仔,不過望黎望去都 覺得佢個樣有D"麻甩"LOOK





可能得佢一隻生活嘅地方又細,覺得佢好唔開心,無活力

同坐監無分別(坐監至少有機會見到太陽伯伯),佢地好可憐呀!



睇片: http://www.youtube.com/watch?v=qBdejNhuZBQ

4-6歲嘅北極熊踏入可以繁殖嘅年紀,希望佢快D成家立室揾返個伴啦!

睇片: http://www.youtube.com/watch?v=bwp1w9AZyT8

隔離玻璃室見到熊爸爸仲可憐,基本上佢就係哩個狀態,好似有病咁體弱無力

可能佢已經太老喇

身後嘅熊媽媽响背後不停左騰右騰,全日只有哩個動作

咁大隻動物被困响一個咁嘅空間 實在係好可憐!

 

一日有4次由工作人員响二樓窗口拋食物俾佢地嘅餵食時間

都唯有哩個時段佢地先會生猛少少,餵嘅食物有蔬果,肉塊,份量唔係太多


睇片: http://www.youtube.com/watch?v=s7-OjX6xDRY

野外有自由嘅北極態响哩個暖化中嘅地球難以揾食,間接係等緊死

動物園嘅北極熊叫做唔休柴米,但佢地都一樣好似生同死都無乜分別咁樣