2013年6月14日,星期五 (上午), 白浜天氣
响ADVENTURE WORLD有一啲額外付費活動俾遊人參加
黎之前本來鎖定目標首選係海豚FRIEND SHIP
次選係同海豚合照
原來仲有一啲活動無顯示响網頁上
結果就有幸參加到餵飼動物,每人1500 YEN, 名額5組,共10人
餵飼嘅動物係海豚,海獅,鴨仔,海獺
報名後會取得活動証,集合時要掛上頸
白加煎同友人係第2組,編號係3,4
報名時,工作人員再三提示參加者於11:40到ANIMAL LAND集合
白加煎完全無參予過ADVENTURE WORLD嘅行程安排
所以一直對園入面嘅位置,名稱係完全唔清楚
另一方面都相信友人係會安排妥當
11:15係海豚表演,友人仲話應該表演完畢就响同一場館集合
當時白加煎未發覺有問題,而事實上海豚表演係响"THE BIG OCEAN"
而集合嘅"ANIMAL LAND"係之前睇動物大集合嘅地方
友人對海豚嘅愛慕都到達左神暈癲倒嘅境界
缺乏理智下就認為餵海豚嘅地方應該就係海豚表演嘅地方
海豚表演全程20分鐘,結束時已經係11:35
白加煎同友人仲好悠閒咁諗住轉個位置,坐近下層展望台黎等集合
哩個時候,友人突然話:集合地點係ANIMAL LAND,哩度係???
白加煎仲答: ANIMAL LAND? 啫係邊度?
我旨意你架咋!友人答: 頭先睇海獅嗰度
哩個時候,兩個傻婆即刻一枝箭咁衝返去ANIMAL LAND
哩度地方大,每個館之間都有距離,好彩仲認得路點跑返去ANIMAL LAND
去到集合位置,另外4組人已經坐定定等緊最無時間觀念嗰一組
以下相片係集合地方(網上圖片)
第一樣餵飼嘅動物係海獅
有訓練員講解關於海獅嘅野,白加煎用低級程度日語只能明白少少
原來海獅啲牙係"天生嘅煙屎牙", 全黑色,相當得意
海獅俾人感覺相當活潑,訓練員叫佢做乜,佢都即時乖乖照做
一做完就"頭愕愕"咁望住訓練員身上嘅魚兜
第二樣餵飼嘅動物係鴨仔
每人獲派一"執"鴨糧,訓練員搖鈴,鴨仔就列隊走出黎
每人獲派一"執"鴨糧,訓練員搖鈴,鴨仔就列隊走出黎
佢地都相當可愛
掃埋跌响地下嗰啲先走,唔好浪費
第三樣餵飼嘅動物係海獺
响ADVENTURE WORLD先第一次親眼見海獺,5組人分別餵3隻海獺
佢地啲圓頭手指好可愛,叫聲好嗲
佢地啲圓頭手指好可愛,叫聲好嗲
每人有一塊小魚餵佢地
壓軸出埸餵飼嘅動物當然係人氣最高嘅海豚
哩份PART TIME唔夠海獅咁正,海獅係獨食,而哩份PART-TIME就由3隻海豚担任
每人獲派1條魚餵佢地,不過佢地唯一需要做嘅動作只係彈起身握手
咁海獅又真係做多好多先可以獨食10幾條魚
哩份PART TIME唔夠海獅咁正,海獅係獨食,而哩份PART-TIME就由3隻海豚担任
每人獲派1條魚餵佢地,不過佢地唯一需要做嘅動作只係彈起身握手
咁海獅又真係做多好多先可以獨食10幾條魚
餵海豚嘅額外服務,只要將相機或者智能手機交俾訓練員
佢地就會幫參加者留影
佢地就會幫參加者留影
http://www.youtube.com/watch?v=7TDOoqYnpac
响哩度發生左一件事
遊記入面要記低嘅事就係旅行時發生嘅事,無論係開心還是唔開心都照樣寫
餵飼動物嘅次序係跟編號,白加煎同友人係第二組(編號3,4)
終於可以親身摸到海豚,友人好似追星一樣咁興奮
當時訓練員向10位參加者講解,其中包括如何出指令俾海豚彈高
9個人就相當安靜咁聽訓練員嘅講解
(其中包括白加煎)白加煎知道自己啲低級程度日文係唔太聽唔明訓練員講乜
唯有睇住第一組人點做,咁自己照樣做咪得囉,當時友人仍然係只顧影相
白加煎同友人講: 你睇左人地點做先,陣間先影相啦!
友人即時直接反應咁回答: 唔駛你黎操控我呀!
白加煎即時呆左,心入面諗: 我操控你?!
友人同白加煎响香港時係各有各嘅生活,並唔係經常見面聯絡
所以友人有"被操控"嘅感受係黎自友人平日生活上長時間嘅壓抑+累積
並唔係白加煎會全天候搖控,霸氣,野蠻,專權要操控他人
哩樣野真係要澄清以免被誤會白加煎係心理異常
寫遊記,唔係寫日記,主觀感受只能點到即止,盡在不言中!
沒有留言:
張貼留言