9月6日(星期一),長野縣上高地,上午天晴
下午大致天陰 
終於都到"戲肉"喇....登,燈,瞪,鄧 ~ 主角出場 
明神池
响上高地行山呢個活動係相當"化算",因為無咩需要俾入場費
唯有呢一個主角係要收費,不過都只係300yen,呢個就係神降地
可以親眼見到呢個"神降地",300yen絕對係值得俾
入口前有個參拜既地方
300 yen入場卷
一年一度都有既祭祀儀式,兩隻艇各有一隻"龍頭鷁首"
造型同我地祖國既龍鳳係差唔多
近距離一睹佢地風采,其實手工都幾粗糙
呢個"御祭神"就係鎮守呢一帶日本阿爾卑斯山脈
而且仲係海陸交通既守護神
每一個黎到"明神池"既人都係"有心人"
皆因人人都係用左好多腳骨力 
先可以行到黎呢度朝聖
先可以行到黎呢度朝聖
只係呢一份堅持已經抵讚,為左心中既目標,無懼要上山下海......
所以我的確唔想上高地呢個地方有d太向錢看既改變 
唔想呢度有觀光吊車或者其他方便觀光既交通工具
唔想有太多"有金人"黎取替"有心人",唔想呢變得太熱鬧.......
最好可以保留現狀
見到相中既人,全部都不約而同咁背向鏡頭,望住眼前既景色.....
咁可想而知佢地眼前見到既明神池的確係幾咁令人讚歎...着迷!
明神二之池就細好多,景色就普通左d
鴨仔既可愛腳印~
呢個pet pet仲得意~
完全唔怕人既鴨仔,超可愛
今次我只係行左2/3個上高地,如果要再行入去,咁最後係去到"橫尾"
再行就係"沢涸",唔知下次我會唔會挑戰埋最後呢一段行程呢? 
河童橋至沢涸
沒有留言:
張貼留言