9月7日(星期二),長野縣立山黑部,大致天陰 ,間中有陽光
由扇沢坐既"関電トンネルトロリーバス"就會去到黑部ダム(黑部大霸)
呢個時間期係大霸放水時期 (咪皆因為又無雪牆,都唔係紅葉期囉!)
所以點都要去展望台一睹大霸噴水既澎湃氣勢,如果連呢個都唔睇
咁就真係更加無野好睇喇! 
去展望台就要行220級樓梯先會去到到
而我呢個城市人真係唔及日本人,當日除左老人家無爬我頭之外
其他人都比我輕鬆咁行完呢220級樓梯 
其實我都唔算係完全無運動
,不過比起經常都以單車代步既日本人
咁我的確係唔及佢地 
一口氣行咁長既樓梯,攰到要叫救命 
行到中途有呢個地下水泉(加油站),可以停一停,透一透,坐一坐
响隧道入面行左咁多樓梯,原來已經去到咁高既位置
黎到呢個室內展望台,終於都重見光明喇!
室外呢個係海拔1508 m高
居高臨下望既水霸就係呢個樣,其實都係相當壯觀既
而當日太陽伯伯就間中出黎偷窺
所以就間中出現"人造彩虹"
由展望台行返樓梯落去水霸,呢日大風到有時係連人都吹到郁 
的確係要相當小心咁行
黑部大霸係响1956年開始興建,直到1963年先完成
動用左1000萬既人手
當然呢d咁艱巨既工程都一定有人會犧牲性命
而呢個名為 [六人像] 既雕塑就係紀念殉職者既171座慰靈碑
仲有呢一塊 [黑四建設記念碑]
响大霸上徒步
去另一邊轉另一架車繼續行程
另一個位置睇大霸放水
又走入黑暗喇....... 
穿過呢條冰冷隧道就會去到黑部湖駅
每一個站都有手信店,方便d乘客响等車時打發時間
呢架係黒部ケーブルカー(cable car),車程大約係5分鐘
行到黎呢度已經係即將開車,站員都趕緊乘客上車
我就係咩都唔理,快手快腳咁影左呢張相就上車 
經過5分鐘既黑暗之後就黎到黑部平
黎到黑部平係等搭"黒部ロープウェイ"吊車
為左要坐吊車時可以霸個靚位睇景,又係一早要排定隊
其實我真係唔多鐘意咁樣去旅行
响呢個時候我對呢個地方既興緻都漸漸消失緊......
呢次繼"新穗高吊車"之後,又黎搭吊車
話風景好吸引又唔係,始終都唔係紅葉期,所以就只係一片綠色,無乜特別
不過如果要我响紅葉期既時候黎"人迫人",咁我更加唔會黎
加d紅色,橙色....幻想一下係紅葉期啦!
大約7分鐘既吊車車程就去到大観峰,已經係海拔2316米
出左車站可以去屋上展望台,又要行52級樓梯
計埋之前响黒部ダム行去展望台既220級,呢一日一共行左274級樓梯
索晒氣 
响上高地行足幾個鐘都唔及行樓梯咁辛苦
上到黎只係睇呢個景,特別嗎?有需要再坐一會嗎? 
呢個時候駅員提緊d旅客下一班"立山 トンネルトロリーバス"即將開出
乘搭既人請盡快上車
乘搭既人請盡快上車
唔趕呢班車,就會無端端响呢度呆等30分鐘
結果又跟住人走去趕車
就係因為咁樣,立山黑部俾我既感覺只係趕車,駁車........原來俾錢係黎坐車
又黎搭另一架無軌電車
如果趕唔上呢班11:45既車,咁就要等12:15,足足係30分鐘
雖然可以發住夢咁去旅行係我既"士打佬"
不過都要搵到有feel既對象,咁先發到春夢架喎
又黎坐呢架响黑暗隧道中行走既車
呢次係坐10分鐘去"室堂"----立山黑部觀光車站既最高點
海拔2450米
呢段行程既重點--除左轉車之外,都係轉車.... 
勘弁してよ!
沒有留言:
張貼留言