9月6日(星期一),長野縣上高地,下午大致天陰
黎到呢個"明神區"已經係接近下晝兩點,做乜我個午餐仲係無影也無踪咁既?
皆因為黎到呢度就真係無啖好食
呢區有一間食鄉土料理既(以下係網上圖片)
其實當日呢間小店都塞滿人,並唔係相片中既咁水靜河飛 
鄉土料理就係呢d日本人最愛食既魚
而呢間小店仲係用真火烤魚,夠晒特色 
不過其實我對"腥溫溫"既日本烤魚係興趣不大 
雖然並唔係抗拒到唔食,但就唔會主動要叫黎食
當日我都响呢間舖頭外邊考慮左一陣係咪俾1500 yen食呢個定食
結果......我係決定忍多一陣肚餓,呢d鄉土料理唔多啱我胃口
行得咁辛苦,唔該俾我食餐滿足d,當做係獎勵啦!
如果要我食呢d鄉土料理,咁只係刻苦感受 x 2....做乜咁樣待薄自己?
其實都有一間食堂可以注文普通食物,但我都係決定行返出去河童橋嗰邊
食自己最鐘意既野 
咁就忍多一陣啦!
咁就忍多一陣啦!
穗高神社奧高參道
點解個"穂"字漏左一點既呢 
又係古字?宜家多一點既係現代字?
又係古字?宜家多一點既係現代字?
但下圖用人手寫既都係有一點架喎!
睇住呢張相就可以對返個山,分到每個山峰既名稱
見到呢個"上高地明神"地標呢度,終於都折返回程喇!
呢次回程揀左行"梓川左岸道"
係石路,仲無乜風景睇
係石路,仲無乜風景睇
因為呢邊離河(梓川)係比較遠d,所以風景都只係以山景同樹景為主
不過行呢邊比行"右岸道"就會快少少,因為路程係短d,路段都平坦d,易行d
大約行3000 km就會返到巴士總站
梓川左岸道
梓川左岸道就只有呢d樹景,而且行呢邊既人比較多
尤其係揹住大背囊入去泊宿/露營既人
佢地多數都係行呢邊,呢邊條路係闊d,
所以响呢邊行都再無人會擦身而過時同陌生人打招呼
大家都各顧各,相比之下就有d冷漠喇!
"梓川左岸道"就只係咁樣既石路,中途仲遇到一個幫女子挽手袋嘅拖鞋男
乜幫女仕挽手袋既風氣吹到去日本呀?
男仕幫女人挽手袋時個款真係好有"拖鞋feel" 
男人尊嚴去左邊度?要表現"優しい",唔一定要幫女人挽手袋......
清水川
呢度既水係由六百山,溶雪既地下水湧出黎
所以水溫特別凍,又清徹,而且係上高地既珍貴水源,可以直接飲用 
(將手伸近河面時,就好似打開左冰箱咁,傳來陣陣寒意)
呢度係禁止進入既,不過當日我就見到有幾個後生男仔赤腳咁行入小溪入面
完全係污染河水
河入面有呢d一串串既球狀植物---イチョウバイカモ (銀杏梅花藻)
佢地個造型都相當可愛
又行左3000 km,再見河童橋喇!
下晝時間既河童橋,比起朝早11點時既河童橋,即刻寧靜左好多 
雖然話係靜左d,其實條橋上面都維持有10個人左右架
而朝早時既人流最少都多3倍
返到河童橋就係奬勵自己既時間----醫肚
其實我個心入面一早就鎖定左搵食目標,我要食"ケーキ"
既然都到下午茶時間
為左要留返個"吉"肚去松本食名物,咁食甜品就係最好既選擇
5 HORN
是日既"ケーキ"係出自呢間五千尺ホテル既"5 HORN"
呢一個下午茶
既價錢可以媲美食一個普通午餐
勞動左大半日而賞自己既甜品係特別好味既
每一啖都有血有汗架!黎到呢度先係第一次休息,可以坐一陣
嘆完 TEA,又睇埋手信店,終於都係要走既時候 
雖然有d唔捨得,但人生總有別離時,之後仲有行程等緊我
所以要暫別喇 
上高地~我會再黎架!下次我想响呢度泊宿一晚
呢個車站,呢架巴士只係會帶我去到新島々
黎到新島々巴士站落車,轉坐電車,咁先會去到松本
2400 yen巴士票已經包括埋呢程電車既車費 
呢個大叔揹住既"仔"比我嗰個巨好多呀!勁!
男人咁樣先叫 Man,咁先證明到男人自己仲好有"能力"
並唔係只有"能力"幫女人挽手袋
よわい男
開車.....向松本出發 
上高地,bye~bye......一定後會有期既
上高地,bye~bye......一定後會有期既
沒有留言:
張貼留言