2009年9月20日,全日天晴
今日終於係會函館さん(函館先生)既大日子喇!
函館さん、すごく合いたかった!(函館先生,我好想念你呀!)
其實呢次16日既行程主角,就係"函館",好早之前,我已經傾慕函館さん既外在美+內在美
結果認識左佢之後,佢既內涵仲令我深深迷戀添!
函館既可觀性比札幌多好多,只係去食新鮮魚生都已經值回票價
函館先生真係好有魅力架!
响函館有兩間東橫inn,函館朝市呢間比較方便觀光
不過另一間都一樣近JR站,但嗰邊附近就無乜觀光點
今次終於唔係住平價房,因為响函館呢3日係日本既公眾假期
平價房一早俾人訂晒,所以今次係住返一間標準單人房
今次住四樓,個景都好開揚,隔離就係"函館朝市"
標準單人房就係咁大間,真係幾濶落架!
今次雖然唔係住平價房,但因為入住日係星期日同公眾假期既話
咁又係東橫inn會員,房租係7折,所以呢3晚既房租真係平到笑,平均每晚係4369 YEN
呢次住過幾間東橫inn既走廊都好光猛,頭尾一定有大窗口
所以就算住頭房,尾房都唔會覺得陰深恐怖
之前一晚趕坐高速巴士由札幌黎到函館,仲搞到夜晚11點先check-in
其實呢一晚好夜先瞓覺
不過為左要好好把握機會了解函館呢個地方,所以第二朝又好早起身喇!
7:25am~已經係梳洗完畢
可以出動添!
可以出動添!
酒店有免費早餐都唔食喇,趕住去"朝市"度搵食呀!
响函館JR站附近,就會見到呢個どんぶり橫丁市場,入面有好多食店
响函館朝市度食野,只要睇下門口有幾多人排隊,咁已經可以反影出呢間食店係咪掂!
今日既早餐就係揀左呢間"あけぼの食堂"
其實黎之前已經上網睇左"きくよ食堂"既口碑係更好
不過好野就會多人排隊,見到"きくよ食堂"d人龍,今日又要趕時間坐巴士去觀光,唔等得喇!
聽日先再去"きくよ食堂"啦!
唯有轉去另一間少d人排隊既,話少d人排隊,不過都等左大約15分鐘
黎自網上既資料:カウンター4席、2卓8席,(COUNTER位4個,二人枱8位)
只有12個座位,所以要食就要等喇!
門口外面既"假丼"
呢個就係我既注文(order)
即係上圖既生うにいくら丼(兩色丼),1785 YEN
呢間店唔及"きくよ食堂"咁多人慕名而來,咁一定有原因
只係睇佢都要舖紫菜响面黎扮足料
而"きくよ食堂"就真係全個飯面都係舖晒魚生咁"老實"
不過呢個都一樣係極品咁好味,雖然海膽係我既第一至愛,但每次食魚生丼時
海膽同大魚子之間要取捨既話,係唔可能成功既事
兩樣野都一定要一齊食先係最滿足既
比起札幌既うにいくら丼,"あけぼの食堂"既依然係好抵食
札幌既"どんぶり茶屋"食普通size只係女仕份量
但"あけぼの食堂"就只有一個size,一般男仕食都ok,唔會覺得太少
黎個"函館海膽丼"vs"札幌海膽丼"
網頁圖片一定有d作大,咁就一齊作大咁比拼啦!
號佳麗
係黎自函館既"あけぼの食堂",佢身價係2100 YEN
(就咁睇呢張相,d紫菜好似一條條蟲咁呀,有d噁心添!)
號佳麗係黎自札幌既"どんぶり茶屋"
佢身價係2499 YEN
只係睇相片,札幌呢個都輸蝕好多喎!
呢個大比拼既賽果都完全呼之欲出啦~函館佳麗全勝!
都話左函館さん佢平實無浮誇架啦!
あけぼの食堂網頁: http://akebono-syokudou.com/index.htm
朝市d魚生丼店既營業時間,每朝5,6點至下午3點左右就會關門
沒有留言:
張貼留言