一個人浪盪日本2009-Day 8@札幌(N宗罪)

 

2009年9月19日,時晴時陰 仲有失魂雨

 

 

呢日最開心係終於可以離開札幌 札幌呢個地方,今後無乜必要,我都唔會想再去

就算要睇雪景日本仲有好多地方有好靚既雪景

無需要一定要去札幌,今後應該再無乜理由要重臨札幌

 

呢次16日既行程中,我遇到一d友善親切既日本人

其實每次一個人出門去日本,總係會遇到呢d"親切な日本人"

不過凡事都有例外既...

今次終於因為一個"札幌大叔"就可以推翻晒

我以前對日本人嗰d一面倒既好印象,今後係會理智咁去評論,以事論事

 

一直覺得生活响東京既人大多數都係比較冷漠,呢個我係理解既,大都市既人和事都千奇百怪

生活响大城市之中就係唔可以輕易相信人,要提防陌生人

(生活响香港何嘗唔係一樣)

所以能夠响日本遇上友善既日本人,真係好窩心架 

 

東京人只係冷漠,對陌生人有介心

但札幌人係黑面,係大支野,係無禮貌,係扮晒野,係心高氣傲...

呢d係我留响札幌6日5夜黎既親身感受

 

 

札幌行程中既其中一個傍晚,我响商場地下嗰層等電梯 

一共有三部電梯,其中一部係俾"最優先"既人使用

去到陌生地方,唔知當地規舉,我都唔會亂咁黎

所以我都有睇清楚同我一齊等呢部電梯既人,係咪只有相片中所指既"四類人仕"

 

 

電梯黎到,順次序一齊入電梯既人有:

首先係3個女仕行入電梯,不過無見到其中有人係大肚婆

跟住有一個媽媽同一個大概係小學4,5年級既男仔入電梯

之後係3個大人推住一部BB車入電梯

我跟住佢地尾行入電梯
(呢部電梯仲有一個"渣lift肥大叔")

我係最後一個入電梯,當時出面仲有人等緊電梯而無行入黎

入左以上既人之後,部電梯仲有一半位置係鬆動既,而我當時係企响門口附近

 

呢個"渣lift肥大叔"突然向我講野(日文)

我d半聾日文根本唔會明白佢講咩

以當時既情況,我估計佢叫我唔好企正响門口,唔好阻到其他人

所以我就行入少少

 

"渣lift肥大叔"又繼續同我講野(日文),我又再行入多少少

 

"渣lift肥大叔"第三次同我講野,佢d語氣已經係表現出忟憎

呢一次佢既說話終於有部份係我聽得明白既~

"....(日文)...,お客様 これは ベビーカー(baby car)です,....(日文)...."

佢咁講我仲即刻估到"渣lift肥大叔"之前係同我講乜野

佢要求我行出電梯,我唔會認為佢d語氣係"請"我出電梯咁友善,咁有禮

佢已經係忟憎緊咁即係我唔識做而令佢咁忟啦!

 

唔單只電梯入面既人睇到晒呢件事,當我即行出電梯,出面有一d人等緊其他電梯

佢地都會見到發生緊咩事,當時既我的確係尷尬

 

我一出左電梯,"渣lift肥大叔"就安安樂樂咁關門,繼續"盡心盡責"咁緊守佢既工作崗位

 

事後我影左呢張相,反覆睇左d字好多次,我依然唔明白為乜要俾"渣lift肥大叔"趕出電梯?

 

 

以上呢段日文既意思大致上係

如果有使用BB車既客人正在等待使用電梯既話

因為需要保留空間既關係,請其他人諒解及協力合作使用其他電梯

 

如果响呢個情況下,我絕對會諒解,更加會合作

但我唔可以理解既係為咩以當時情況,我要俾呢個"肥大叔"趕出電梯?

乜之前入電梯嗰3位女仕,佢地係咁  咩?

乜同埋媽媽一齊入電梯嗰個細路,佢係細個到咁  咩?

乜當呢3個推住BB車既人入電梯之後,部電梯滿客到無空間喇咩?

唔通"肥大叔"預知到一陣間之後,會有人推另一架bb車入電梯

所以佢要趕定我出去,留返個空位俾下一架bb車?

(如果真係咁,到時唔洗"肥大叔"趕,我都會自動讓位俾有需要既人)

咁又為乜之前入電梯既人並唔係圖中所指既"四類人仕"

但佢地又可以繼續用"最優先"電梯?

係因為順次序既關係?

佢地比推BB車嗰3個人早一步入電梯,而我係最後一個入電梯,所以我就要接受無禮既對待?

  

 

呢個商場係無排隊等電梯既指示,全部人都係散收收咁企住黎等電梯

第一個行入電梯既人,並唔一定係最先黎等電梯既人

呢個情況下都唔會有順次序,"先等先用"呢樣野喇卦!

 

如果呢部電梯只係俾指定有需要人仕使用,咁佢不如直接咁寫:

"除       以外,其他人禁止使用"

至底係呢個商場需要更清晰既"使用電梯指引"?

定還是呢度d職員需要再指導?

 

"渣lift肥大叔"d態度真係極唔友善,仲好惡劣呀!

 

 

 

 

呢件事之後,我開始留意札幌既人,日本既地鐵,巴士一定有"優先座席"

 

以往响日本坐車,即使係"優先座席"都會係以下既情況

唔一定係     既人先會坐呢d"優先座席"

上面張相片拍自大阪,其實東京既情況都係一樣

不過我當時身在札幌親眼見到既嗰一次,情況真係完全唔同

 

當時係下晝3點至4點既非繁忙時間,地鐵車廂每卡都有大約5-6個乘客係因為無座位而要企

而呢d"優先座席"就係空空如也,無人問津

而當時眼見會坐呢d"優先座席"既人就真係只有 又或者係老人家

原來札幌人咁守規舉既,連首都東京既人都唔及佢地咁有"教養"

其實到底係真正有"教養",定還是係扮自己有"教養"呢?

 

 

呢篇BLOG既題目係札幌(N宗罪),咁即係唔會只係得以上咁少"惡行"啦!

 

札幌售貨業職員既態度,我認為只係比香港d售貨員既表現好少少

可能宜家連香港既"佐記","播記","G記"呢d連鎖式舖頭既售貨員,d表現都好過札幌d售貨員

 

响札幌百貨公司食品部買野,好多都係嬸嬸做售貨員

年紀唔係問題,態度先係問題

我買野有疑問,佢地都會為我解答,但完全唔係熱心咁為客人

响佢地d態度表現上,我睇唔到"敬業樂業"呢四個字

所以我先會話佢地同香港d售貨業人員所差無幾

日本既售貨業出晒名係好禮貌,但札幌呢班人就完全係"另類"

 

呢個行程我去到京都時,响京都既百貨公司食品部問野,買野

售貨員嬸嬸好友善,知道我係香港人,日文唔太好

佢用盡自己所識既英文單字同我講野

(我無要求佢同我講英文,而係佢主動同我講既)

佢係日本嬸嬸,識得幾多英文呢?

但人地都好努力,主動咁熱心工作,敬業樂業,唔係响度求其應酬客人

 

呢d咁友善既售貨嬸嬸同叔叔,以往我响大阪都遇過唔少

大阪人出名率直,不拘小節,少造作,所以佢地會待人親切d

咁如果以同一個理論下,咁札幌人一定係心高氣傲,自命不凡喇!

 

呢個行程第4日,去左札幌既cake shop-CherryMerry買蛋糕

當時係相片中綠衫姐姐賣野俾我,當時呢一篇blog我係咁寫:

入到去就見到蘋果日報當日訪問左果個賣餅姐姐(綠衫呢個)

見左佢真人,我無留意佢係咪真人靚過上鏡,只係見到佢無笑容,板住塊面黎工作

真係日本售貨業之中比較少見!

(呢位售貨姐姐,你黑住面黎賣野咁唔享受呢份工作,咁不如咪做呢份工啦!)

 

 

我去買高速巴士既車票去函館,因為我d日文唔係太好,大家都花左d時間先交易成功

咁又要俾賣票嗰位售票姐姐黑面對待?

呢位售票姐姐,如果我d日文唔好就要受你黑面既對待,

你作為日本大城市札幌既旅遊業服務業人員,但你d英文完全唔得

一句英文都講唔出,係咪因為無方便到你,咁你就要黑面呢?

咁我作為俾錢既買野既人客,我係咪應該黑返面,無禮咁對返你呀?

 

 

Z:cCOT 呢間cake shop係"大支野",呢d營業思維簡直係"運吉"

 

札幌人,你地到底做乜呀? 呢d真係叫做"有教養" ?

 

 喂! もしもし, my friends,

你地同我講可能今次只係我黑仔先會遇到呢d一小撮"害群之馬"?

但當我講左咁多响札幌既親身經歷出黎

(只係响札幌先有既不滿經歷)

咁你地仲會認為係我黑仔?

定還是呢d係札幌既"地道特色","唯佢獨有","只此一家"呢?

 

今後我依然會認為日本有好多親切既人,佢地熱心主動幫人,敬業樂業咁工作,我絕對欣賞佢地

不過我會記住"族大有乞兒"呢句說話

 

札幌係一個專門出產"乞兒品格人"嘅日本城市