2009年9月17日,全日天晴
第四站: フラワーランドかみふらの(Flower Land)
呢個係花場既"吉祥物"? 
呢個花場比之前參觀既"富田農場"大好多,有15萬平方米架 ~
因為花場處於山上既位置,所以可以由高處望落去,一望無際既平原
呢個景色真係令人心曠神怡,気持ちいい~~元気になった!
(好舒服呀!成個人都精神晒呀!)
呢張相可以攞去做POSTCARD呀!"賣非佛"
紅色呢d係"鼠尾草" (サルビア),開花期由7月上旬至9月下旬
下面張相紅色呢d就係"百日草" (ジニア),開花期由7月上旬至9月下旬
相片入面呢個行緊上展望台,形單隻影既姐姐都係同團既團友
全團人之中,得我同佢係一個人黎參加觀光團
佢係日本人,而且都係另一個友善親切既日本人
响呢個花場當我自己好開心咁玩緊"自拍"時,呢個姐姐咁啱响我身邊經過
佢見到我"自拍",都問我要唔要佢幫我影,所以話呢~親切友善既日本人,真係唔少架!
响呢個展望台望落去,就係呢個景色喇,"わ~ 広くて,綺麗 !"(又廣闊,又靚呀!)
紫色嗰d係薰衣草 (ブルーサルビア),開花期係7月上旬至9月下旬
下面呢d一球一球既植物係"地膚" (コキア)
開花期由6月上旬至9月下旬,仲會慢慢變成紅色架!
咦~"地膚"同
係咪遠房親戚黎架?
係咪遠房親戚黎架?
有d似樣咁喎!
黃色呢d係萬壽菊 (アフリカンマリーゴールド),開花期係7月上旬至9月下旬
完全係一片花海,靚到唉~係咪發緊夢呀~
呢度仲有小動物呀!
身軀短小既馬,就係日本自家品種既"木曾馬"
身型似係一隻Q版馬
唔通以前因為d日本人生得唔高(即係矮),騎唔到外國馬
所以先要搞d身軀短少既馬?
不過身材輸蝕唔代表能力差,"木曾馬"既本性好馴,性情穩定架!
唔通佢地都遺傳左日本人d超乎常人既忍耐力DNA?
可以同佢合照架,當然要留低d 銀兩啦!
(相片中既馬咁細隻,都應該係一隻未成年既小馬)
山羊又真係好乖好純,呢隻都幾活潑架
因為佢仲係細路仔,入世未深,所以咁率性咯!
一伸隻手埋去,佢就好開心咁以為有野食,其實係可以俾錢買飼料餵佢地架既~
呢隻一睇就知係"羊先生"啦!
年紀大d,見慣大場面,真係氣定神閒d架喎~
伸隻手埋去扮餵佢,佢都只係好平靜咁望下我隻手,原來"羊先生"都唔係一定易"昆"架!
以下d相片黎自花場既自家網頁
呢度都有唔同種類既蔬果出售,不過我無見到佢地有種植場喎~
正正係薰衣草開花期時,呢度就係咁樣一大片紫色
好壯觀哩~不過係咪覺得靚,就見人見智喇!
紫色,太憂鬱喇~我都係鍾意顏色鮮明d
向日葵?!
我鍾意呀!
我鍾意呀!
呢度仲有呢車大拖車,可以坐佢黎觀光全個農場架!
不過唔知係咪要另外俾錢架呢?!
呢度既觀光時間係40分鐘
但比起响之前既"富田農場"觀光,呢度反而睇得輕鬆d,唔覺得太趕!
呢個花場除左自己駕車去,或者唔介意俾好貴既"的士錢"之外
都唔好諗有其他方法可以去到
FLOWER LAND既網頁: http://www.flower-land.co.jp/
沒有留言:
張貼留言