一個人浪盪日本2009-Day 10@函館朝市(きくよ食堂-魚生丼)

 

2009年9月21日,大致天陰  

 

 

 

一天光又係搵食既時候,呢一日仲黐線,6點53分
已經去到食魚生丼店既門口排隊,仲有相為証,証據確鑿架!

呢個都絕對係我自由行之中,唔係為左趕坐交通工具,而咁早起身既新記錄,好野!

(又唔係唔駛錢有得食,做乜仲要咁勞碌咁早起身呢)

不過話時話喎,去旅行既目的地無乜夜生活,咁要早起身真係唔難架喎,絕對無"熊貓眼"

 

我以為自己已經係早架啦~

但去到"きくよ食堂"先知真係"強中自有強中首"  "一山還有一山高"

睇下門口d"搵食傻人當然都有我份啦 ~過左7點之後,仲越黎越多人添!

 

無聊咁排隊之際,咁就影下相先啦!

 

呢間きくよ食堂係自稱係函館唯一一間仲係用炭黎燒飯既食店

乜用炭燒真係好味d?我又食唔出有乜特別喎!

唔好意思失覺晒!

 

無聊到要影埋佢地個menu

 

 

(喂~影到唔三唔四咁睇到d乜呀?!)

 

 咁都係睇返佢地網頁既menu好d,下面係網上既menu

きくよ食堂有"ミニ丼"(迷你丼),(    )入面個價錢就係"迷你丼"

元祖函館 巴(ともえ)丼 おすすめ！ [ウニ・イクラ・ホタテ]	1,680円(1,380円)
いくら丼おすすめ！	1,280円(980円)
鮭親子丼 [サケとイクラ]おすすめ！	1,180円(940円)
ほたて丼	1,480円(1,180円)
えび丼	1,480円(1,180円)
ほたて・えび丼	1,580円(1,280円)
かに丼	1,380円(1,080円)
ほたて・いくら丼	1,580円(1,280円)
えび・いくら丼	1,580円(1,280円)
うに・ほたて丼	2,100円(1,780円)
うに・えび丼	2,100円(1,780円)
うに・いくら丼おすすめ！	2,100円(1,780円)

うに丼おすす！ 2,625～4,200円(2,100円～3,675円) （具大盛）    3,675～5,250円　   三種お好み丼おすすめ！ 1,680円(1,380円)  [ウニ・イクラ・ホタテ・サケ・エビ・カニの中から３種類] 四種お好み丼 1,980円(1,680円)  [ウニ・イクラ・ホタテ・サケ・エビ・カニ・イカの中から４種類] 五種お好み丼おすすめ！ 2,100円(1,780円)  [ウニ・イクラ・ホタテ・サケ・エビ・カニ・イカの中から５種類] チャイル丼（小学生以下） 525円 大漁丼おすすめ！ 3,680円 [ウニ・イクラ・ホタテ・サケ・エビ・カニ・イカ・アワビの７種類]

以上既相片全部都係"普通size",並唔係"迷你size",迷你size當然係魚生既份量都少d啦!

下面呢個先係迷你丼

 

我排左一陣間,有個嬸嬸出黎記低排隊客人既姓名,佢見我得一個人,問我介唔介意坐舖頭外邊

唔駛再等就有位,咁梗係唔介意啦! 

 

我呢個"注文"(order)係三色丼(帶子+大魚子+海膽),呢個配搭仲係人氣第一位

其實係可以自己配搭都得

海膽,大魚子,帶子,三文魚,(生)蝦,(熟)蟹肉,六款中任揀三款都可以

 

等我又扮下食家"尾姐"先得唔~ 海膽同大魚子真係超級新鮮美味

海膽有海膽味,口感夠晒"馬糞",大魚子有大魚子味,一d都唔腥

帶子有帶子味,不過帶子本身既味道無大魚子同海膽咁濃味

所以响比較之下就遜色左d喇!

(早知就唔"注文"帶子,要生蝦啦!)

 

我注文呢個係普通丼,食晒都真係幾飽架!

 

不過為左可以食到咁美味既魚生,咁點都一定係注文普通丼啦!

黎個大特寫先

 

呢間きくよ食店真係無响飯面舖紫菜黎扮足料,而飯面又真係只用魚生舖滿既

而價錢又唔係比其他貴,所以難怪"客似雲來"啦!
食完埋單走出黎一睇條人龍越黎越長呀!

不過都長得有道理!

 

話函館係平實唔浮誇都一樣係有道理,所以點解我會對"函館さん"咁"一往情深"呢?!

咪就係因為佢有太多優點囉!

 

呢間きくよ食堂响朝市已經有兩間,生意多到做唔完咁

 

きくよ食堂網頁: http://www.abs-plaza.com/kikuyo/

 

打呢篇blog時,睇返d咁美味既魚生丼,真係"口水在思憶中流"

美食只能回味

 

函館さん,宜家已經想即刻去見你喇!

すごく会いたい!