4月5日 (星期四) 晴
溫度11度-18度 
尾程最後住响谷町站附近嘅東橫INN,同一條街上有兩間東橫INN
兩間都各自近一個車站(唔同車站路線)
不過哩間去最近車站就要行天橋,咁就比較起上黎另一間會方便d,下次都係住另一間
哩日完全唔趕時間,堺筋本町站距離心齋橋站只係兩個電車站
所以決定行路出去
中途順便要為午飯嘅食店而搵路食到好野之前當然要付出啦,咁先更覺得珍貴
原來沿途行出去就係大阪玩具街:松屋町
好幾年前為左幫同事搵動畫嘅玩具都曾經到此一遊
估唔到今次就係响附近泊宿
雖然全條街有d店舖都相當唔合時宜,不過有個別又相當吸引
估唔到今次就係响附近泊宿
雖然全條街有d店舖都相當唔合時宜,不過有個別又相當吸引
哩一日嘅預定午飯就係响哩度
食店資料請click: ペリーのいくら丼
大阪市中央区東心斎橋2-2-7
响食評網站上,得3.53(滿分係5分)
白加煎相當鐘意食大魚子,所以不能錯過
以下係網絡圖片
哩d專門店嘅特色係細間(座位唔多),仲要係售完即止明天請早
所以哩日白加煎都不敢怠慢
大清早由酒店行出黎先探路
營業時間未到就去心齋橋逛街先,夠鐘先折返由心齋橋d橫街步行出去,大約5-7分鐘
相當方便
舖頭細細只有9席,menu就只有以下哩個,全店都係賣大魚子
價錢唔同當然份量唔同
白加煎注文左680 yen嘅大魚子丼(最細份量)+かに汁
注文後老闆問左白加煎一d野,毫無上文下理做提示
白加煎當然唔明佢問乜,又要出示:低級日語程度指引
老闆就問白加煎係何方人?白加煎如實相告之下,老闆隨即攞出一本香港雜誌"真假旗"
白加煎即時諗:老闆想show off一下佢哩間舖都做過香港雜誌嘅訪問?
老闆打開本書指左幾句有underline嘅句子俾白加煎睇,咁先解開謎團
原來魚子可以揀大魚子或者細魚子,老闆問白加煎想注文邊種
白加煎當堂笑自己乜睇得哩個老闆咁自大?.......有d慚愧添!
等左一陣,一set 咁送到黎:大魚子飯+蟹湯
+凍豆腐+自助綠茶
哩個係最細份量嘅大魚子,只係舖滿飯面嘅95%
入口食左第一啖就己經相當後悔,為乜唔注文一個最大份量?
友人話响香港食大魚子,食到腥味,不過响日本食就無腥味
哩間舖頭仲令白加煎對日本國內品嚐嘅大魚子有新體會
哩個一咬落去,會咬到每粒魚子有個比較煙un嘅薄膜,跟住d大魚子汁就會流出黎,相當鮮味
既然哩間食店係專賣大魚子,風評又唔錯,咁就相信好食嘅大魚子就係以上嘅口感+味道
食完哩碗大魚子丼,滿足感完全高於响境港所食到,全個行程唯一一個海膽丼
白加煎知道日後必定會再黎"返尋味",後會有期
食完午餐返去心齋橋,難波繼續shopping
不過只可以逛到下午4點幾就要返酒店,趕下一場活動
臨離開難波前,走左去任何時間都人頭湧湧嘅りくろーおじさんの店買定哩兩日嘅布丁
相片中有兩條排隊人龍,排左邊嘅永遠都係最長,哩d人係買日式芝士蛋糕
右邊都有人,佢地係排隊買布丁,不過哩個仲未放工嘅時間,人龍只有幾個,唔會等好耐
沒有留言:
張貼留言