4月6日 (星期五) 上午陰天
溫度6度-10度 
哩日係復活節前嘅耶穌受難日,身為天主教徒嘅白加煎响哩日必需守大小齋
雖然身在外地遊玩,大有理由為自己辯護而逃避守齋
不過如果咁做,自己都過唔到自己,更何況全個黑仔行程中
白加煎事事都求保佑
總算事事都有驚無險咁渡過,唔可以"打完齋唔要和尚" 所以哩日齋照守,而偏偏哩日又係全個行程最凍嘅一日
點會响4月上旬仲有單位數嘅溫度?
哩次守齋都真係身心上嘅折磨,係一生人N次守齋經驗中最難耐嘅一次
白加煎去日本安排嘅行程總會預備輕鬆閒晃時間
如果只係坐相當短途嘅交通工具,咁好多時仲會選擇步行代替搭車
哩日又係因為與其只係坐一個站地下鐵,咁就選擇步行35分鐘
35分鐘步行時間包括快速巡埋沿途嘅商店
哩次泊宿响谷町區,原來係一個商業區
白加煎形容梅田係銅鑼灣,心齋橋係旺角,咁谷町區就係中環
响哩度見到好多SALARYMAN,好彩出發時己經過左上班時間
所以即使經過商業區,但完全唔覺得反感,比起响梅田,心齋橋
因為完全聽唔到自己識嘅語言,咁樣仲覺得享受
行左35分鐘就去到京阪電車站-北浜
哩度仲有條難波橋,不過明明同難波有相當距離喎
相片中哩間紅色建築物係大阪市中央公會堂
雖然無坐過哩架船,但都認得哩架就係大阪觀光船
哩日又係坐京阪電鐵去京都
上左電車無耐去到大轉車站,有一家3口(婆婆+中期懷孕嘅媽媽+年約3歲嘅小男孩)上車
車廂中的確有"吉"座位,但全部二人座位都只餘單獨座位
(包括白加煎隔離嗰個"吉"位)
佢地一家3口被迫要分開坐 ,媽媽氹小兒子自己一個人坐,小男孩有點怕但都無扭計
哩個時候白加煎即時將自己個座位讓左俾哩對母子
自己轉坐隔離嗰行搭另一個陌生人一齊坐
哩位媽媽無推辭,而且相當感謝,途上聽到哩對母子嘅開心對話
白加煎都覺得相當感謝,响哩個海外守齋日都可以有機會做到一件令其他人開心嘅事
佢地比白加煎早落車,離開座位時又再次講:
"どうも すみませんでした"
哩日去到中書島落車,一離開暖氣開放嘅地方就相當凍
等車月台上嘅乘客都走入暖房取暖
响哩度又見到坂本龍馬,咁即係白加煎又黎日劇中毒,繼續訪尋坂本龍馬嘅遺跡
响日本觀光時,好幾次都相當不滿,觀光指示牌太疏落又唔清晰
跟住以下哩d方向指示黎行,行好耐都再見唔到另一個指示
好幾次都懷疑到底有無行錯路
哩個京都伏見區因為坂本龍馬而變為有觀光價值
哩度附近有小河,所以有乘坐小艇嘅觀光活動,分別有三十石船,十石舟
早在計劃行程時諗住桜花樹下坐哩d小艇都相當有氣氛
不過哩日實在太凍
黎到見唔到有艇,即時諗緊轉頭先再諗坐唔坐 
最後當然無坐啦,因為哩日守齋,處於飢餓狀態下,全個人凍到不得了
可免則免都唔想暴露响戶外食寒風,仲話要坐艇賞桜,桜花又未盛放......
當時完全無哩個勇氣走去俾錢食寒風
不過上網睇片,坐哩架艇的確有d氣氛......留待下次有機會啦!
三十船,十石舟詳情請click
離開十石舟就去訪尋坂本龍馬嘅"寺田屋騒動"事件
參觀料 400 yen
哩間旅館的確係坂本龍馬住過,不過响1868年"鳥羽伏見の戦" 曾經失火
宜家嘅建築物係後期再興建,只係屋內保留左有紀念價值嘅野
坂本龍馬响哩度遭暗殺,不過當時都逃過一劫
哩度可以預約泊宿,不過真係會有人住咩?
坂本龍馬嘅房間
房間入面有刀痕,子彈痕跡,當時坂本龍馬係用手槍
下圖(左)嘅女子係楢崎龍(簡稱:阿龍),坂本龍馬所承認嘅終身伴侶
兩人相識後,阿龍開始响寺田屋工作
當坂本龍馬過身後,後來阿龍再婚,下圖(中)就係亞龍晚年嘅相片
暗殺行動當晚,坂本龍馬+三吉慎藏就係咁樣二人合力抵禦突如其來嘅暗殺者
坂本龍馬之所以能夠逃過哩次暗殺,因為當時浴沐中
嘅阿龍發現窗外有異樣
連衣服都無穿上就跑到坂本龍馬嘅房間通風報訊,哩次暗殺先失敗,不過坂本龍馬都受傷而逃
雖然暗殺主角無事,但哩次暗殺行動都死左9個有背景人仕
阿龍當日風呂嘅地方
阿龍赤裸咁跑上二樓房間向坂本龍馬通風報訊
屋內剖面圖
下圖就係關於暗殺坂本龍馬嘅資料
花園嘅擺放左坂本龍馬嘅銅像,仲有紀念碑
哩度可以預約泊宿,不過真係會有人住咩?
坂本龍馬嘅房間
房間入面有刀痕,子彈痕跡,當時坂本龍馬係用手槍
下圖(左)嘅女子係楢崎龍(簡稱:阿龍),坂本龍馬所承認嘅終身伴侶
兩人相識後,阿龍開始响寺田屋工作
當坂本龍馬過身後,後來阿龍再婚,下圖(中)就係亞龍晚年嘅相片
暗殺行動當晚,坂本龍馬+三吉慎藏就係咁樣二人合力抵禦突如其來嘅暗殺者
坂本龍馬之所以能夠逃過哩次暗殺,因為當時浴沐中
嘅阿龍發現窗外有異樣連衣服都無穿上就跑到坂本龍馬嘅房間通風報訊,哩次暗殺先失敗,不過坂本龍馬都受傷而逃
雖然暗殺主角無事,但哩次暗殺行動都死左9個有背景人仕
阿龍當日風呂嘅地方
阿龍赤裸咁跑上二樓房間向坂本龍馬通風報訊
屋內剖面圖
下圖就係關於暗殺坂本龍馬嘅資料
花園嘅擺放左坂本龍馬嘅銅像,仲有紀念碑
沒有留言:
張貼留言