這個耶誕不太閒

 

 

呢輪忙到9彩咁,睇我個"獨家村"旅行遊記越寫越慢就知啦

呀!.....真係分身乏術呀!

繼續寫埋個旅行遊記啦

狂煲緊日劇啦...佳節送禮啦....私人事務啦....

神呀!請給我多一點時間

 

年年"耶誕"都係好樂意咁home made佳品派俾各方友好

佢地收得樂意之時

我都做得好樂意,點講都係一年一次

呢幾年黎都係無乜新意,年年都係做 Chocolate Truffles

年年咁做自己都覺得悶,唯有係包裝上搞d新意思

 

話說前幾個星期,想用埋d剩餘材料,唔好嘥野咁浪費

咁就諗到試下做 Nouget (鳥結糖)

做正宗用栗膠做既嗰款,呢個係高難度版本

(網上流傳一個用綿花糖做既簡易版,不過我嫌綿花糖太甜喇!)

結果第一次做就相當成功,搞到我真係以為自己係"天才廚嬸"

軟硬度又啱啱好,絕對係要讚.......自己

最重要係自家製比街賣既無咁甜其實真係減左好多砂糖黎做

見到咁成功

咁就諗到今年既"耶誕禮物"可以搞下新意思

所以就決心要搞大佢

點知下左決心之後,上天先挫我銳氣

第二次做係太軟身,完全唔可以放响室溫,送唔到俾人食

咁就自己食晒落肚....絕對係大懲罰,肥死啦!

前兩日做第三次,仲唔掂.....可能係天氣凍左,當過左個適合時間之後

都未混合好就已經"琼"左一大舊 

 

全部心機都嘥左添

 

痛定思痛之後諗下係邊度出錯,咁就再黎做第4次

結果.......呢次都算可以既,不過呢次係做左硬版鳥結糖呢!

睇相就唔覺得係硬,食都食得,不過就無左d煙un口感

呢次可能係栗膠既份量要再調整過先得,我仲係會不到"黃河心不死"架

估唔到Nouget仲難做過Macaron既,連我都俾佢玩到暈陀陀

不過我都係鐘意home made鳥結糖,咁就可以自己調教甜度

呢次又係要再接再勵,所以呢個耶誕點會得閒呢?

 

鳥結糖食譜,click here~

老友,呢底硬版鳥結糖預左你架喇,你今次忍下先啦

我下次一定會補返d正宗既,又見得人既nouget俾你既

 (同你"也箍梳箍"啦!)

就算你唔欣賞佢硬左dd,咁都希望你會發掘到佢"唔太甜"既優點!