
9月7日(星期二),長野縣上高地,大致天陰 ,間中有陽光


呢次去立山黑部既行程,我會評價為"令人失望"
立山黑部都應該係繼札幌之後,我今後無乜事都唔會再去既地方 
不過札幌係"令我反感"
而立山黑部只係"令我失望"


响立山黑部既入場票當中,美女平去立山駅係最後一程

又黎坐呢款纜車
大約7分鐘就去到立山駅


由於行程比預期之中早左離開立山黑部
去到立山駅之後先知道要等45分鐘先有接駁電車去富山駅 

咁就傻下傻下咁周圍望下黎打發時間 

山上未有紅葉,响山下既綠樹中竟然見到幾棵紅色既樹
係咪楓葉呢?


之前因為怕行李太重而唔敢買太多手信
黎到呢度就開始解禁喇,因為只係剩返金沢既一日行程咁就返大阪
買手信就要趁手
買手信就要趁手
下面呢款和菓子,應該係我唯一對立山黑部有正面評價既野
呢個係日本果凍和菓子,係透明啫喱包住豆蓉饀,响立山駅既手信店可以試食

响試食時都食左5個(半件)先收手,味道口感的確係唔錯
一定要雪凍先好食,返到黎香港,呢盒果凍和菓子係人食人讚
而都只係得立山駅,美女平駅可以買到
一共有兩種味(另一個係綠茶味),都係呢個紫色包裝既係好味道d

雖然我並唔鐘意立山黑部,不過咁唔代表佢無觀光價值
只可以話佢唔係我杯茶,風景一般
咁响我心入面就無法構成鐘意佢既理由
之前响網上睇其他人既行程,又無人會出現我既評價.....奇怪ing!
不過都可能係大部份香港人對於走馬看花式旅行係接受既
咁就會易d接受遊立山黑部既觀光模式
我响呢個時間去,雪牆?!無左! 
咁唯一比較有可觀性既只係黑部大霸放水
至於其他轉車點既風景又唔特別,唔值得响每一度都停30分鐘黎影相觀光
咁不如快d駁車去下一個景點.......快d離開呢度........
回想返呢日坐唔同既交通工具時,好多時都係處於完全漆黑既狀態

落左車之後既風景又唔係值得花好多時間去睇
坐完一架車之後可以短時間駁另一架車去下一區,咁等車,排隊都要時間
感覺上同跟團去旅行無咩分別
離開立山駅係去金沢,中途係要經過富山,車票要另買喇!

等左45分鐘先有電車,真係"等佢等到我背痛"
好困難咁先可以响無野睇既立山駅 hea到45分鐘
我仲要揹住個"細仔(背囊)架嘛! 

坐電車途中就咁樣落雨,都已經知道當時日本9號風球係殺緊黎 

都估到之後响金沢既行程唔會有好天氣
"去旅行先黎落雨,唔通連個天都唔鐘意我......."
不過去日本咁多次,長短旅行都有,都從無試過係無落雨既
所以遇上落雨係正常事,不過遇上因颱風而落雨就係第一次喇!
出左富山駅係要徒步大約5分鐘先會去到JR站轉車去金沢

出左車站見到呢個天氣,即刻有d心灰意冷
9號風球即將响本洲既"北陸"登陸,咁到時既天氣一定會變得更壞 


之後响金沢觀光雖然係落雨,不過金沢係一個值得去既地方
沒有留言:
張貼留言