9月8日(星期三),金沢,上午豪雨,黃昏停雨
本來計劃係去金沢西口坐巴士食1000YEN抵食和牛SET LUNCH
雖然不停咁落雨
都打定輸數去唔到(落雨既交通時間係預計唔到)
不過仲係唔做過唔心息,咁就睇住時間冒雨咁離開金沢城
坐返架"觀光傻巴士"返金沢站,諗住再轉另一架巴士去
不過呢架"傻巴士"除左响金沢站開出係準時之外
怕且之後都好難會準時到站上落客(尤其係落雨時間添)
事實上佢主要都係服務觀光既人,觀光既人多數都唔會太趕時間既
結果就係因為佢遲左4分鐘先返到金沢站
咁就搞到我眼白白咁親眼睇住要上既嗰架巴士絕塵遠去
巴士開走左喇,追唔到喇如果要等下班車就要等多差唔多一個鐘,咁樣的確係要放棄"和牛"喇!
留返下一次再去金沢先再幫趁啦!
和牛就食唔到,時候尚早,咁就再坐返架"傻巴士"觀光多一陣
逛多一陣先醫肚
結果就又去多一次ひがし茶屋町,睇下落雨時既古老舊街係乜野樣
咪就係咁樣囉
寂しいでしょう就算唔係落住雨,咁點都係黃昏時既景色迷人d
昏昏暗暗咁就為古老氣氛再多添一份滄桑美
咁啱又俾我見到有人結婚喎,不過點都"莊"唔到新娘子既樣
残念だった
金沢呢個地方有唔少傳統食物都加左金箔黎表示名貴
連軟雪糕都有金箔,加左金箔既就要700yen一杯
呢個價錢,絕對係我响日本旅行咁耐以來,見過最貴既軟雪糕
下面呢個景,有D似京都既鴨川
呢個位置仲似足京都8成添,都話左金沢同京都係有d似架啦!
其實呢度係由"ひがし茶屋町"徒步大約3分鐘既"主計町茶屋街"
逛左一陣之後,就準備行去金沢最有名既"近江町"醫肚由呢度行去大約係5-7分鐘左右
如果坐架單方向行走既"傻巴士",咁就係兜大圈
由7號站上車,18號車站落車,需時大約係20分鐘車程
行兩步路就行到去"近江町"市場
駛乜坐架"觀光傻巴士"遮! 
可能係落雨既關係,入面比我預期冷清
有d舖頭係無開門做生意,連途人都唔多添
有d舖頭係無開門做生意,連途人都唔多添
d海鮮真係唔貴,雖然我响香港食魚都唔知魚價
不過相片中右下角既一籮蝦仔都只係150yen
其他一盤只係200幾,300幾yen,唔係貴喎!
不過呢個價錢會唔會係收檔前既割價促銷呢?
呢日仲要係雨天添,生意都唔會好啦!
响日本,連賣魚既哥哥仔都識打扮d,有型d既
380yen既巨峰提子,都幾難會响百貨公司見到囉!
响呢個"近江町"市場真係好容易就會迷路
我兜左好幾次都搵唔到要去既食店
所以最好都係攞到呢張商店街既地圖,咁就唔會盲摸摸亂咁撞
出發之前已經做左好多功課
要食野就要搵一d响當地係有口碑既食店
自從曾經領教過d香港旅遊天書推介到天花龍鳳咁好
但事實只係不外如是既食店
最忟係個個香港人都"一窩瘋(人)"咁攞住同一本天書去所指既食店排隊
嘥晒d時間又唔見得係食到好野
所以我都係寧願自己做多d事前功夫
總好過又人up乜我信乜,仲齊齊做"一窩瘋(人)"既事
黎到海鮮咁出名既金沢,咁當然係立下目標
食魚生啦!响我好努力咁上網睇左近江町市場入面既魚生食店
到底今次有幸俾我"立"佢為候選佳麗既會係邊幾間食店呢
據香港出版既旅遊天書所講,近江町市場既魚生/壽司食店
由午飯時間直到下午4點,都係客似雲來,如果正正係午飯時間
咁門口一定企晒人响度等位添,不過可能因為當日落住大雨既關係
近江町呢度無一間魚生店有出現有客人等位既情況
或者都要多謝呢一場大雨,佢都帶左d好處俾我既
至少唔會要我為食而等到黐黐呆呆
今次一共有4位候選佳麗入圍挑戰終極寶座
1號佳麗-近江町市場寿司
呢一間係主要販賣迴轉壽司既舖頭,香港d旅遊天書都有推介佢
2號佳麗-もりもり寿司
我响日本食評網站同佢邂逅上.....
3號佳麗-井ノ弥
都係香港天書推介既食店,主打係海鮮丼
4號佳麗-山さん寿司
又係响日本食評網站發掘到佢既
就咁睇外表或者用邏輯黎推論,邊一間似最掂呢?
如果用邏輯推論既話
店外擺左櫈俾人等位時可以坐,咁咪即係呢間旺場囉
呢個咁有理據既推論又係真唔係呢?
開估時間.....
登
登 燈 鄧 以下係日本食評網站上既分數大公開
1號佳麗-市場寿司
得分係3.34
2號佳麗-もりもり寿司
得分係3.38
3號佳麗-井ノ弥
得分係3.28
4號佳麗-山さん寿司
得分係 3.56
勝出既咪就係4號佳麗囉!
果然由香港旅遊天書所推介既食店係最弱雞既
所以人云亦云既事都唔好咁盡信喇!
沒有留言:
張貼留言