9月8日(星期三),金沢,上午豪雨,黃昏停雨
雨
就越落越大完全係影響緊觀光,大部份時間要避雨
就越落越大完全係影響緊觀光,大部份時間要避雨咁樣觀光實在去唔到太遠,唯有連"兼六園"隔離既"金沢城"都殺埋佢啦!
當時金沢城正值就係做緊維修工程,搭左棚既就係"石川門"
响兼六園既職員盛情難卻之下就買埋"金沢城"既入場劵
咁至少唔駛坐响公園望天打卦避雨咁無聊
金沢城公園既面積都唔細
時間唔係有太多,所以都只係打算參觀最主要既城樓
菱櫓,五十間長屋,橋爪門續櫓
下面呢度就係由三の丸広場影埋去既"菱櫓,五十間長屋,橋爪門續櫓"既背面
天色越來越暗,雨就越黎越大
城樓外面既係有防衛作用既河,呢d都係城池既例牌設備
响呢個位置影完相之後,我就係要行去城樓參觀兼避雨
無黎啦位有個大叔著晒雨褸擔住雨遮,好似看更咁企响度
佢身後30米左右既地方係工地
我以為佢要查入場劵先准行入呢一區,不過又唔係喎
跟住呢個大叔就講左一堆我唔明白既野 
呢個大叔隔離有一個"向左走,向左走"既指示牌
因為之前完全無準備要去金沢城
所以當時我對金沢城既建築物名稱係完全唔識 
落住雨時更加唔會攞簡介地圖出黎睇,呢個大叔講乜我就聽乜囉!
(不過有個低 B婆唔記得左自己d日文只係"屎"程度)
: 入口唔係呢邊,咁係邊度呀?之後呢個大叔
指住另一個方向,做左個兜大圈既手勢(下圖虛線部份)
又講左一大堆日文
我就以為因為維修工程進行中,要兜大圈先去到城池既入口,不過點睇都睇唔到有路可以行喎?!
再同大叔
確認兜大圈咁行就係入口? :入口係响嗰邊?...........不過大叔又答我:唔係!(喂!係咪玩遮?!
左又唔係,右又唔係!)同呢個大叔咁樣"糾纏"左超過2分鐘,响豪雨之下咁樣企一陣
本來唔係濕到透都即刻濕晒啦,本來心急住要快d搵到室內地方避雨既我
黎到呢個時候都唔再急喇,反正都已經濕晒
呢個大叔
完全唔識英文,D 日文又好似有鄉音(總之我係無乜邊句聽得明)突然間佢都無晒符點樣可以令我明白佢既意思
我唔明佢d"高深"日文遮,但佢會明我d低級程度日文喎,咁我就再睇下面個指示牌
我指住右邊既字,讀左"亞梳哥娃QK囉罷梳爹傻(嗰邊係休憩地方呀可?!)......"
大叔一聽到我識講"QK(休憩)"之後就即刻鬆左一口氣,笑住同我講
:原來你知道"QK係乜"!........
撞鬼佢咩
我個心當堂覺得好好笑,我係中國人,"休憩"係漢字黎喎
日本人借左我地既漢字黎用,咁我點會唔明漢字呀?
(雖然有少部份日語漢字既解釋同中國漢字既本來意思唔相同)
真相大白之後,原來入口就係呢度,我係要向左走,做乜佢最初又話呢邊唔係入口?
佢話我知入口唔係休憩所嗰邊咪得囉
真係俾佢指到我暈陀陀呀!
擺脫左呢個大叔之後,要行多一分鐘咁先會見到城池 
見到之後仲要越過"二の丸広場"先會到菱櫓既入口,已經係完全濕晒喇陰公!
內進參觀要除鞋,我對鞋+袜都濕晒,除左就仲舒服
鞋就係放入膠袋,由自己保管
呢兩袋野令我以為自己去完街市買菜
一袋係雨傘,另一袋係鞋+袜,完全係"濕水狗觀光"一樣
天氣越黎越差,仲係堅持要去觀光既話,做濕水狗係遲早既事
金沢城既建築物當中,以菱櫓,五十間長屋,橋爪門続櫓係最有規模
無時間之下,我都只係睇左呢一度
宜家既金沢城係後期重新複製出黎既城池
雖然並唔係由幾百年前保留落黎既遺產,不過可以咁樣複製返咁有歷史價值既文物
其實對現代人黎講,都係一個回顧古時代生活既方法
再重建出黎既現代金沢城已經考慮埋傷殘人仕既需要,所以有電梯
一般人入內要除鞋,坐輪椅既人要換呢度專用既輪椅
呢個內觀都肯定同當年係完全唔一樣
其實金沢城入面就係展覽金沢城既建造方法,同埋以前防衛既方法
城池既例牌既窗口+地台活門既設計,用黎抛石頭出去攻擊敵人,保衛城池
如果無乜興趣呢d野既話,咁金沢城都係幾悶蛋架! 
如果唔係因為避雨既話,咁我諗自己用10分鐘就會睇完呢個建築物
沒有留言:
張貼留言