原裝卡樂D

 

 

友人去親日本就必定抬日清杯麵返香港

因為日本買一定係抵過响香港買

當師奶心態出現時,只要計落平過香港十蚊八蚊,咁就會好甘願咁抬

仲抬得好有滿足感添 (完全係師奶格價既心情)

 

對我黎講日清杯麵太"阻訂",我個行李放幾個杯麵之後咁仲有空位既

所以杯麵就唔係我杯茶 (又唔係我杯麵)

不過我一樣有師奶格價既心態,唔抬杯麵,咁都會有第二D野抵過响香港買

我就睇中左卡樂D薯片,但唔會帶返香港,全部都係响日本食晒佢

由上年開始,我响日本就一定會食卡樂D

其實我對於食薯片既心癮唔大

不過黎到日本見到咁花多眼亂

又有咁多不同口味既卡樂D,仲平過响香港買日版出品

香港仲唔係乜味都有得賣,咁就開始左日本行程中要食卡樂D既習慣

我最有興趣買D"期間限定"既卡樂 D

"逾時不候"原來真係會推動到銷量既

好似美X既月餅咁,年年响賞月夜當日就會賣晒廣告宣傳自己D月餅已經全部售馨

咁樣就可以做到"蘇洲過後無艇搭",咁咪可以推動明年銷路,叫人要買就趁早

 

今次去左日本8日就食左5包薯片,都算係新記錄囉!

睇下食左乜

呢個係响岐阜時食既第一包-梅子味

 

呢個係亞二,味道真係同日清隻UFO焼そば係一樣味既,即係-濃味

 

亞三又係"期間限定"版,我响日本8日,只係見過一間超市有咋

唔知係咪已經出左一段時間,賣剩都係貨尾呢?

麻油味?!估下襯唔襯薯片味!

 

亞四係燒鹽味,其實燒鹽係咪似中國人既淮鹽呢?

我食左都唔記得,只係記得係咸味囉!

 

亞五係關西昆布醬油味,呢個食落真係有昆布味架

 

就咁睇,邊隻味會最吸引人呢?

我呢....最鐘意呢就係麻油味,真係好香架!

我諗緊如果响香港買包卡樂D薯片,每一塊都滴少少麻油先食

咁唔知可唔可以回味返呢包咁好味既卡樂D薯片呢?

味道就唔知,不過就肯定食完一包都一肚麻油咁恐怖呀!

唔知遲D會唔會有納豆味呢?

唔知以前有無出過呢隻味呢?

呢個我又有興趣喎! (不過我對真正既納豆係食到反胃架!)