【明報專訊】《螢之光2》
新劇介紹﹕綾瀨遙回歸陷四角關係
三年前，綾瀨遙飾演「魚乾女」雨宮螢的「與其談戀愛，不如睡懶覺」，獲得不少同類女Fans認同。她在家穿著運動衣，面對「部長」的傻氣動作表情，同樣贏得男Fans歡心。不可以睇小的是藤木直人飾演的「部長」高野誠一，討論區上Fans為部長叫句「傻宮」都心動、尖叫兼大讚可愛。
「傻宮」與「部長」這組合在《螢之光2》回歸，3年後捲土重來，新鮮熱辣，剛在日本播完；7月日本開播平均15.8%的高收視，超越了第一輯成績，證明了觀眾多愛他們。
傻宮部長展同居生活
三年前的「魚乾女」雨宮螢，跟做事一板一眼的高野部長展開了秘密同居生活。幾經波折，二人終成眷屬。雨宮螢終可擺脫「魚乾女」行列之際，卻被公司派到香港工作。三年後，雨宮螢從香港返回日本，在熟悉的家跟部長展開同居生活。不過，部長身邊出現了優雅美麗的淺田小夏（木村多江飾）。雨宮螢身邊也有風趣率直，讓女生為之瘋狂的新同事瀨乃和馬（向井理飾）。原本只有「傻宮」與「部長」的二人組變了四角關係……
三色劇集台就快會播呢套戲
但今次我已經追得好貼咁上網睇晒全套戲,超快呀~
播完結篇嗰晚啱啱係我身在日本旅行之時
本來都諗住先暏為快,明知唔會睇得好明白,但都想有咁快得咁快咁睇左完結篇
但偏偏播出當晚就係我由金沢踏上去大阪既歸途上.....
結果就係無緣睇到第一時間既日本放送
好彩,返到香港等左幾日就睇到喇,好野
小螢同部長結婚了,魚干女變為魚干妻了~
其實我都好少咁快會追d新日劇,通常都係擺一輪先會去睇
不過宜家就覺得如果有時間上網
咁不如花時間睇下日劇,咁至少都叫做等自己d日文程度有d增長
總好過做d對自己毫無建設性既事
我都算得上係一個"網上世界既魚干女"囉
連網上既交際應酬都興趣不大 (皆因為我唔會相信虛擬既網上世界)
雖話呢部第二輯係情陷四角關係,但事實上呢個只係宣傳既手法
全套戲入面小螢同部長從來都無俾第三者既感情所迷惑過
嗰d第三者都只係分別單戀小螢同部長既人
所以全套戲入面都可以話係劇情既起伏唔大
不過小螢嗰d傻傻既性格,同部長嗰種一絲不笱既個性
又真係睇得令觀眾既好笑又好sweet啊!
尤其係能幹穩重拘謹既部長,每次總係俾小螢既所作所為激到差唔多嘔血
但偏偏骨子裡會為小螢既傻氣而着迷,結果次次都係包容小螢所做既事
平日一表正經既部長,間中同小螢响度打情罵俏時,真係冧死觀眾呀~
部長呀~部長,我都好鐘意你呀~
藤木直人既演技就都係一般啦,佢唔啱做d內心起伏得大既感情戲
但佢個樣就好帥囉
(如果可以肥返多少少就仲帥)
所以佢要遇到d啱佢個既角色,咁佢就會演到好戲
今次呢個部長既角色就啱晒佢,搵第二個做都無佢咁入型入格呀!
如果以第一輯同第二輯做比較,咁我就鐘意第二輯多d
如果鐘意睇幾角戀既觀眾,可能會覺得第一輯比較有起伏
都可能自己年紀大左,識得欣賞d細水長流,平淡但溫馨既感情
小螢同部長每晚一齊坐响屋企既走廊度飲啤酒,一齊傾偈
兩個人都重視對方,為對方著想.....
其實咁已經係相當幸福既事
呢套戲入面d演員都認自己係魚干女/魚干男
無工作之時就係寧可留响屋企無所事事
飲啤酒,又唔會去執拾..
拍劇照花絮
第1集預告篇
第2集預告篇
第3集預告篇
第4集預告篇
第5集預告篇
第6 集預告篇
第7集預告篇
第8集預告篇
第9集預告篇
最終回預告篇
沒有留言:
張貼留言