ハンサムスーツ／反轉豬腩是王子

 

ハンサムスーツ(Handsome Suit)

中文譯名:反轉豬腩是王子

 

DVD都出左好耐,宜家先的起心肝睇

新片都俾我擺到變舊片先睇啦!

無計啦,真係忙

不過唔理係新片定舊片,好戲始終都係好戲

呢套戲睇左10分鐘已經吸引住我

 

全套戲都輕鬆搞笑(絕不胡鬧),而且仲傳達緊一個訊息~

內在美比外在美重要

靚人唔代表係十全十美,醜人都唔代表一無是處

呢個理論就好多人都知道啦~

不過有一個更真既理論係

靚人唔會只有外在美,佢地都會有優點(醜人都一樣有缺點)

無論係要同靚人/醜人建立"有情人"既關係

其實最重要都係性格,思維合拍

靚人無需自負,醜人無需自卑,其實內在性格先係最重要

與其只係着眼响外在美/醜之上

不如花多d心思發掘身邊人既內在美

 

 

男主角-大木琢郎,因為"琢"字同"豚"字相似

而"豚"响日文中解作為"豬"

所以"琢郎"自細就被取笑係"豚郎"(即係豬郎)

不過心地善良既佢從來無介意過,只係....

 

33歲既琢郎,求愛記錄有101次,每次都失敗

有25次俾人懷疑係專門跟踪女子既變態男人

情場上失敗,自信心都盡失

某一日,邂逅上美女寬子.....

 

預告篇(中文字幕)

 

琢郎會否選擇穿上這件永遠的handsome suit?

甘願永遠地失去真正的自己呢?

永遠地成為"光山杏仁"呢?

 

呢d輕鬆喜劇當然會以HAPPY ENDING收場

最後琢郎都找到真愛-寬子

原來肥女本江就是美女寬子,寬子為左讓琢郎了解自己既個性

並唔係單純迷倒自己既美貌

就着上"ugly suit"讓自己變成肥女本江

琢郎跟本江相處左一段日子,漸漸被本江既個性所吸引

不再追求外在美既琢郎向本江表白心意

呢個時候先真相大白,寬子原來就係本江

 

寬子既美唔單只係外表,佢溫柔善良咁去欣賞琢郎既個性

堅持唯有用內在美先會找到真心愛自己既人

呢套戲就係傳達緊呢個訊息,呢個都係我鐘意呢套戲既原因

外表唔重要,人同人相處貴乎真性情

 片中既"光山杏仁"由谷原章介飾演

一直都覺得佢由聲底至外表都好似黎明(連戲路都似)

以往谷原章介總係做d文質彬彬既角色

但今次做"光山杏仁",同平日d角色唔同

估唔到做慣斯文角色既佢,又可以將呢個角色做得幾生鬼喎!