2009年9月22日,全日天晴
終於要同函館講再見
下晝坐飛機去大阪呢朝無再一早起身趕去朝市搵食
因為安排左最後一碗函館既魚生丼係"是日午餐",正常時間咁起身
响酒店"他他條條"咁食埋個早餐
(呢日係第一次响函館食酒店供應既早餐
)食完早餐跟住去"朝市"逛逛,買下手信,函館朝市係一個幾有趣既景點
响朝市就會見到呢個"朝市代言哥哥"佢藏身响朝市唔同位置
總之行行下,就會見到佢企响度
街頭賣藝既動物原來唔止得馬騮,响朝市入面,連身價高既蟹
都要出黎做"生命中最後一場賣藝show"
かわいそう (可憐呀!)
個別舖頭仲有得試食,仲係試食海膽,大魚子添架!
12000yen一隻蟹都幾貴啊!其實係咪真係名不虛傳既咁好味呢
都幾貴啊!其實係咪真係名不虛傳既咁好味呢
300 yen 一隻海膽,正呀!200 yen一隻貝立帆(帶子)
睇啱邊set買邊set,跟住即刻"宅急便"咁送到日本每個地區
全個朝市最多既就係蟹,身價最貴都係佢地!
,身價最貴都係佢地!
見到呢兩個地墊,正好代表函館最出名既名物
不過蟹其實唔係函館名物,應該話係北海道名物先啱!
不過蟹
其實唔係函館名物,應該話係北海道名物先啱!
いか(魷魚)先係函館既名物,函館既產量佔全日本既 90% 
雖然佢地會噴墨, 但佢地係魷魚,唔係墨魚
更加唔係八爪魚
連水渠蓋都係用魷魚公仔,可想而知佢地幾有代表性
これ、かわいい! (好可愛呀!)
朝市有一間"元祖活いか釣堀",食客可以自己釣條魷魚上黎,跟住就即劏做刺身
一條既價錢係1000-1500 yen,有得食,又有得玩,呢個價錢算平喎!
冬天時,函館附近有部份地方係禁止捉魷魚,因為來貨短缺既關係,呢間舖頭就會暫時休業
以下為網上圖片,就係咁樣"鈎"條魷魚上黎架喇!
釣魷魚及刺身製作過程
响函館有一間聞名全國既食店:一花亭たびじ,佢地有個非常聞名既魷魚丼: 活いか踊り丼
(以下係網上圖片)
為咩呢個會咁聞名呢?又有片睇~
(警告:以下短片可能含有令人不安既情節,敬請留意)
片中呢班姐姐仲笑得咁開心添!
其實係咪做緊"函館-黑太陽731"遮?
怖い(好驚呀!)
呢個係いか刺身既死狀-就係"死都唔會眼閉"
俾人劏左
都仲要碌大雙眼,認住個"主謀人"(食佢地既係"主謀人",劏佢地既係"幫兇" )
有短片可以"膽仰遺容"
一花亭たびじ 既"活いか踊り丼"係1900 yen左右,都算平架!
不過就算係好平,我都唔會食得落 (免費都咁話)
睇完d短片,更加唔會食得落
(即劏刺身仲可以接受,但呢個"無頭魷魚跳晒舞"就真係
)
いか,你地都係安息啦!
沒有留言:
張貼留言