自由行去過關西4次,大阪,京都,奈良,神戶都留左我d腳毛
如果講觀光,神戶係最無睇頭既,但偏偏响神戶又有我最,最,最....愛既野
............係咩呢 
就係聞名於世既神戶牛
响日本最有江湖地位既和牛係神戶牛,松阪牛,近江牛
唯獨近江牛未有機會品嚐
不過我覺得神戶牛好味過松阪牛,其實佢地各有特色
但如果係以鐵板燒黎做比較既話,咁我一定認為係神戶牛好味!
06年初夏去關西旅行,決定要食神戶牛,當時上網搵神戶牛店
結果响台灣網站/討論區最多人介紹就係呢間既平價神戶牛店
神戸牛ステーキ専門店
ステーキランド ＫＯＢＥ
都有唔少香港人去食過,返黎响討論區度評價
d評語都唔係差,至少午餐時段,用2980yen可以食到150g既神戶牛
不過,我有d懷疑正宗神戶牛點會咁平
結果响朋友搭上搭之下咁問到一個"地道大阪人",對方就介紹左一間價錢比較合理同可信,而佢又食過既
結果我既第一次就係响呢度發生,而第一次既經歷果然係難忘
當時モーリヤ响海外並唔出名
台灣/香港網頁都搵唔到關於佢地既野搵到既只係佢地自己既簡單網頁,仲只係得日文
不過既然係"大阪地膽"介紹既,咁就要信人
雖然第一次唔係"注文"頂級神戶牛,只係普通價錢既普通神戶牛
但一食就明白咩野係"入口溶化"既奇妙感覺
食過一次之後就對佢念念不忘
即使過往有神戶牛曾經被驗出染上瘋牛症,但如果係"為佢死,為佢亡",咁都算死得值得
相隔左兩年,再去モーリヤ,呢次係"注文"A5級神戶牛
食後感當然係"一分錢,一分貨"
睇落好似唔算太細件,但其實佢地會切走d大舊脂肪或者比較差既部份
不過全部都唔浪費,用返d"牛油"黎炒野菜俾返客人食
不過全部都唔浪費,用返d"牛油"黎炒野菜俾返客人食
切下一忽
切下又一忽再加上熟左之後,有d脂肪溶左,咁就係會"縮水"
上圖咁大件既神戶牛,同朋友各人分一半之後,就係得返4粒咁大把
的確"啖啖係珍品"
(其實呢兩件神戶牛,已經分別係120g & 200g)
又有片睇
(一件120g既Fillet steak,煎左出黎就係得返咁少架咋!)呢張証書係掛响門口位置,其實係族譜黎既~
有晒族譜,食都食得安心d,唔怕係假野
對於モーリヤ,其實一直我都"心裡心裡有個迷"
第一次去同第二次去幫趁,只係相隔兩年多d,但已經有好大既變化
多左好多台灣人/香港人幫趁佢
我的確懷疑變成咁樣,係咪"多得我唔少"呢?
第一次响モーリヤ食過之後,我响d討論區度介紹過
真係唔可以睇少互聯網既威力,可能就係咁樣"一傳十"咁傳出去
相隔兩年多,佢地由2間舖變成3間舖
網頁仔細左好多,仲有齊日文,中文,英文,韓文(擺明係做遊客生意啦!)
服務生由唔多識英文,變成連响客人面前下廚既chef都識講幾句"有限英文"
有片為証 (呢嗰chef個樣有d似瀧澤秀明呀?)
只要上網搜尋"神戶牛",咁就會搵到好多モーリヤ既資料
仲連香港出既旅遊天書都有介紹佢地...
呢一切改變,會唔會有少少因為我將佢响網上介紹出去所致既呢?
不過點都好,佢地出名都一定要有實力先得
我相信係幫趁過既人都認為係好,先會再介紹俾人
神戶牛小知識
响モーリヤ有d餐,客人可以揀食邊種牛排,佢地分左3個部位
(餐既價錢一樣,但牛排嘅重量唔相同)
Fillet Steak フィレ
Sirloin Steak サーロイン
Rib Roast Steak リブロース
當中以Fillet係最優質,其次係Sirloin,之後係Rib Roast
沒有留言:
張貼留言