今日睇報紙見到呢篇報導,又幾有趣啵,又搭咀幾句先得!
同一篇報導,唔同報紙有唔同既着筆點
完美妻子應小自己5歲
呢個係明報既題目
完美婚姻 妻比夫聰明 27%
呢個就係蘋果日報既題目
【明報專訊】想找完美妻子？瑞士專家告訴一眾男士貼士﹕未來的妻子應小自己5歲、較自己聰明、文化背景相同。若你能按此標準找老婆，白頭偕老的機率增加兩成。
妻要較丈夫聰明
日內瓦 商學院的研究小組找來1074對年齡介乎19至75歲的夫婦，探討他們美滿婚姻的秘訣，並根據研究推研出上述公式。他們指出，要維持長久而愉快的夫妻關係，夫婦擁有相同文化背景最要緊。此外妻子最好比丈夫年輕5歲，但又較丈夫聰明至少27％；丈夫無而妻子有學位就最好。研究負責人卡奧（Nguyen Vi Cao）說﹕「若大家跟足這些指引揀伴侶，擁有開心而持久的婚姻機會可增加20％。」
這樣看來，英女王與王夫似乎能印證這標準。英女王和菲臘親王 自1947年結婚至今，已超過60年。83歲女王比王夫年輕4年又10個半月，他們均有王室背景，至於聰明度——儘管難斷，但王夫失儀鬧笑話的報道確是時有所聞。
專家菲格斯（Kate Figes）同意女性應是一段關係中較聰明的一個，因為決定感情關係的多是女方。但婚姻顧問諾瑟姆（Christine Northam）不同意妻子要聰明過丈夫。「現代婚姻關係夫婦彼此投入，關係團隊工作，而非一個人主導另一人。」
每日電訊報
先講年紀,其實我又幾同意丈夫跟太太年紀上有d距離,咁樣會易d令男士們自然產生左d"大哥哥"心理想保護小妹妹
;至於妻子智商較丈夫高些少(,聰明少少,學識多少少),咁又應該會令男仕們多d尊重太太,自己並唔係咩都比太太優勝,同埋佢地明白太太唔係無知師奶,佢比自己聰明一d,自己要作怪時都唔好大安旨意一定輕易過骨
呢d純粹係我既推論,不過事實上我身邊有朋友正正就係切合呢條"方苗娜",而呢一對組合又真係相處得幾好,係互相尊重既夫妻.太太唔係蠢人,仲識得响適當場合變身做個"小女人",丈夫看在眼裡點會唔明太太既用心
,丈夫欣賞太太咁識做,結果兩夫妻咪多d有如沐春風既感覺囉
結論應該係話,男人用體力去表示自己對太太既愛,好好地保護佢,咁女人就會好冧,而女人就要多動腦筋,唔好逞強之餘,仲要响適當時候扮下蠢,咁男人有面子既時候,都一樣會好開心,但如果女人係"真蠢",咁就只會令男人既要用體力去保護佢,仲要用埋腦力去照顧佢,咁男人咪會好疲累囉,所以我覺得呢個調查的確有d理據既!
不過人與人相處係好艱深既一門學問,都唔會只係得呢兩條"方苗娜"就可以斷言咁樣就會有幸福既婚姻.,都正如報導中所提到,响呢條"方苗拿"之下,白頭偕老的機率增加兩成,但無話係"一定有,絕對有!"
沒有留言:
張貼留言