2014年10月7日～星期二，十和田天氣－晴天
心入面帶住＂把屁＂哩兩個字離開奧入瀨溪流
等巴士哩個時間先可以放低哩個大包袱
响哩度等12:44嘅巴士，下站係十和田現代美術館
白伽煎對美術館哩樣野係特別敏感，尤其係現代摩登美術野就唔會抗拒
巴士直到美術館門口
入場費分二種，企畫展／常設展，可以自選參觀，又可以買套票，兩樣都參觀
白伽煎揀左常設展，入埸費只係510日元咁抵，仲包括埋代存行李服務
其實入去睇下都值得，有啲展品都好有創意
天台望落去都見到展品，哩啲戶外展品係免費參觀，任由拍攝
美術館入面室內地方不可拍攝，周圍都有職員監視
哩張係唯一偷影到嘅相片，樓梯嘅裝飾都相當有現代感
哩個藝術家奈良美智响香港都稍有名氣
哩個標題：「夜露死苦ガール2012」
英國藝術家PAUL MORRISON 嘅作品
標題：OCHREA
展品遍佈附近街道，連美術館對面嘅馬路都有
韓國藝術家JEONG HWA CHOI 嘅作品
標題：FLOWER HORSE
日本藝術家椿昇嘅作品
標題：アッタ
响對面馬路已經見到哩個大南瓜
手筆係來自藝術家草間彌生
哩個斑點南瓜响四國直島係肩負觀光大使一職
（以下兩張係網絡圖片）
遊客為一睹兩個南瓜嘅風采而踏上直島觀光之路
直島差唔多等同如渺無人煙之孤島一樣
但因為哩兩個南瓜&重新包裝嘅直島錢湯
咁先吸引遊客到直島一遊
同哩兩個南瓜合照
絕對係遊客回國SHOW OFF之相片
可以証明自己已經係大和旅遊嘅識途老馬
唔會只沉迷於大城市嘅吃。玩。買
仲識得欣賞其他"山卡啦"景點，幾有深度
仲識得欣賞其他"山卡啦"景點，幾有深度
白伽煎已經去過四國嘅小島，不過無去直島
或者因為並唔係草間彌生嘅粉絲，所以無慕名而去嘅打算
再加上四國有比哩兩個南瓜更值得去觀光嘅小島
哩次黎到十和田，抱住隨遇而安嘅心情
唔只見到斑點南瓜，仲見到斑點女，斑點狗，斑點菇＆一地都係斑點
係咪大豐收呢！
响創作人眼中，佢地每個都有生命，連名字都有
德國藝術家インゲス・イデー嘅作品
題目：GHOST
奧地利藝術家エルヴィン・ヴルム嘅作品
標題係FAT HOUSE 。 FAT CAR
响美術館流連左兩個幾鐘頭就準備坐巴士返八戶
去到八戶買新幹線車票返青森
趕到17:05嘅新幹線，車程大約40分鐘就返到青森
返到青森酒店，旅低行李就跑左出去
哩間三角型建築物ASPM有展望台，有食店，又有手信賣，而白伽煎又有哩張旅遊卡
响哩度消費會有折扣，所以點都要去睇下
關旅東北WELCOME CARD，請CLICK:
結果係失望而回，因為唔近車站，商場入面都無乜人氣
所賣嘅野係行貨手信，而且係標高價錢坤遊客錢
風塵僕僕左一日，淨係正正經經咁食過早餐，之後午餐都無食
只係坐車時食左啲零食頂肚，所以要好好地食餐好嘅
白伽煎出門自由行時，哩啲不定時嘅正餐時間，絕對唔怕會增肥返香港
對白伽煎黎講貴價食店唔一定物有所值，反而去啲地道小店先有風味
每次去日本，白伽煎必刨日本食評網站，盡量唔會行到邊食到邊
必定係連食都早有安排
白伽煎最有興趣係食到質素高但價錢相宜嘅野，如果唔會撞到香港人嘅食店就更好
所以香港旅遊天書推介嘅食肆，基本上係列入不考慮之列
扮晒野係白伽煎嘅人生目標
行入哩間食店之前，响哩條街碰到一對香港男女
佢地响每間食店前都稍停一會睇餐牌，似係揀緊去邊度食晚飯
最後佢地入左連鎖店 ＂笑笑＂
唔懂日文怕溝通唔到嘅外地人，只能去嗰啲擺明坤遊客錢嘅食店
你入去＂笑笑＂，當地人真係對你＂笑笑＂，皆因又有人甘願被＂坤＂
哩間地道食店，只係睇佢門口嘅食物都已經覺得相當實惠
其實即使唔識日文，指手畫腳又或者寫漢字都一樣注文到啫
如果想食好野就總要踏出勇氣嘅一步，保守就永遠唔會有驚喜
白伽煎注文刺身定食，有吞拿魚＋帶子刺身，都只係930日元
哩個價錢去＂笑笑＂又邊度得呢？！
本來白伽煎仲睇中左哩個蘋果餃子，不過最後都係食唔落咁多，所以無叫到
唯有有想像力幻想一下有蘋果肉嘅雞肉餃子會係咩味道呢？
會入廚嘅白伽煎係幻想到哩個味道，其實都唔會係有大驚喜
小店入面細細間，人客係滿座嘅，嗰頭有人客走，轉頭幾分鐘就有人坐落去
咁哩啲小店又無乜人客係磨爛蓆咁食完都唔願走
再加上哩間食店係食評網站有高評分嘅食店，有實力就有口碑
白伽煎嘅晚餐就係哩個，相當清淡
全份都食晒，唯獨中間嗰碗白色甜品，都唔知係咩野，黏黏地又粉粉地咁樣
唔好食就唔食，反正諗住返酒店食零食
白伽煎情有獨鍾厚薯片，再加上有4 種芝士嘅口味，一定要試啦
試完係超讚啦！
沒有留言:
張貼留言