2014年10月7日～星期二，奧入瀨天氣－晴天
食完早餐就拿拿林出發，行程緊湊，每一分秒都好珍貴
十和田湖哩區嘅屋係洋式外觀，所以哩度好有外國小鎮嘅風貌
終於都踏上哩次行程嘅主角－奧入瀨溪流
要坐3個站JR巴士先去到出發起點，白伽煎揀左先去子ノ口
不過其實第一個景點係銚子大滝，巴士係直達
相隔一個巴士站，車程大約8分鐘，徒步就唔止8分鐘啦
既然唔係景點又為乜要由哩度出發呢？
當然係事出必有因啦！下面自有分解
 |
等巴士時白伽煎排隊係第５個乘客
無買車票諗住落車俾錢，但上車時司機叔叔話必定要去買車票
不過就叫白伽煎上車揀好座位先，再落車去買車票
總站上巴士就必需要先買車票，唔可以用現金，但中途上巴士嘅話就可以用現金俾車費
為乜要先去子ノ口呢？
就係因為香港出版嘅旅遊天書
書嘅作者話為左方便遊人輕鬆上路，所以有寄運行李服務，由石ヶ戸托運到子ノ口
或者相反方向都可以
有咁嘅托運服務當然係要用啦，咁咪响子ノ口做托運，送去石ヶ戸
哩本天書係2013年版，有相片為證
當白伽煎去到子ノ口時詢問哩個托運服務，對方就話無哩樣野
到底係以前有，宜家無左？定還是一直都無呢？真係不得而知喇！
其實白伽煎係盡量唔會睇哩啲香港旅遊天書，就係唔想俾人老點
哩次都再次証明係信錯左佢啦！
哩個時候白伽煎只係知道要同哩個行李一同上路，咁死得啦，佢咁重又無轆
好後悔無帶個有轆行李袋／背囊黎，全因為俾本天書老點左
辛苦都要行，都無得揀啦，開始上路喇～
哩個景令白伽煎諗起上高地
見到第一個溪流，哩張係化粧前嘅＂素顏＂，都係現場肉眼所見嘅景像
經過相機嘅輔助，將快門調教得慢少少，咁就變左咁靚喇！
所以話溪流影嘅相，其實只係一場化粧術
再黎一張＂素顏＂
化粧後
下站就係好有名嘅銚子大滝
觀光鴨仔團响哩度落車，當然係有野睇，要影＂到此一遊＂相片啦！
咪就係要一睹銚子大滝嘅風采囉！
＂素顏＂
化粧後
九段の滝
就係咁小規模（素顏）
化粧後
只要水夠多又流得急，咁化粧後就一定會變靚
玉簾の滝
就係咁咋～
有啲所謂滝（瀑布），白伽煎去到只係噓左一聲，連影相都慳番
皆因為稱嗰啲為＂小便の滝＂會貼切啲
影多幾張都係咁嘅相之後，白伽煎開始有被騙嘅感覺
第一篇遊記都講左為乜會黎哩個奧入瀨溪流啦！
咪就係日文班有同學仔SHOW OFF過哩度啲相片，白伽煎就牢記在心
响大和行山已經係第二次，第一次係上高地
上高地唔係睇溪流，係睇山，嗰度視野廣闊，而且係禁止車輛
要去上高地就一定要係有心人，怕行嘅懶人係唔會揀上高地
而哩個奧入瀨溪流就啱晒啲懶人，根本沿住溪流就係馬路
自駕遊嘅人可以揀幾個比較出名嘅滝，影幾張溪流化粧後嘅靚相
咁就可以返香港SHOW OFF一番
同上高地比較，白伽煎覺得哩度只係行貨觀光區，一啲都唔珍貴
再黎係另一個有名嘅滝，雲井の滝
因為比較有規模，所以又圍左一堆人
其實有幾靚呢？
行到尾段，白伽煎心入面已經係＂媽＂聲四起
鬼咩～風景又唔係真係咁靚，仲要攞住件唔輕嘅隨身行李，真係攰到呢～
好幾次去到中途嘅JR巴士站都考慮不如等巴士，唔再睇喇！
反正影黎影去都係哩啲水流
哩個阿修羅の流れ又係相當有名
因為水流夠急，水量又多
見到啲人攞住手機／傻瓜機响度狂影
影乜呢？無經過相機快門做手腳嘅溪流有幾靚呢？！
影到哩度都夠皮喇，再前行都唔係啲出名嘅景點
所以哩次奧入瀨溪流觀光都到此結束
就响最近嘅馬門岩等巴士，見到白伽煎件手提行李嘛
佢～一啲都唔輕架！
奧入瀨溪流响白伽煎心中嘅評價只係＂把屁＂
哩次黎到青森，白伽煎反而覺得十和田湖更有吸引力
哩段奧入瀨溪流真係自駕黎到，揀幾個靚景，影幾張相就走得
唔值得响哩度花太多時間
沒有留言:
張貼留言