2014年10月7日～星期二，十和田天氣－晴天
一場因颱風引起嘅雨天終於過去，一如所料翌日天色放晴
去日本咁多次，從未遇過連續兩天都落雨，通常雨天只會維持一日，翌日已經放晴
同香港比較嘅連續雨天／陰天就司空見慣
難怪以前响香港教日本語嘅東京大男人"腥些"（せんせい），佢一直唔係幾鐘意香港嘅天氣
其實連白伽煎都唔鐘意香港嘅持續雨天／陰天
白伽煎從無懶瞓或者賴床嘅習慣，花錢走到外地旅行觀光
通常都可以很早起身，目的只係想多啲時間去了解眼前哩個陌生國家，一秒都唔想浪費
一早起身，早餐時間都未到，外面天色放晴
急不及待要到外面走走，有太陽伯伯嘅守護，可以認真見識下哩個十和田
酒店門前一景
早來嘅紅葉已經悄悄跑到日本東北
琴日到埗時淋到狼狽不堪嘅JR巴士十和田湖駅
响太陽伯伯嘅守護下，其實真面目係咁樣
只要用心觀察，隨處都有美景，白伽煎最鐘意响倒影中尋寶
藝術其實就係响平凡中發掘／創造出不平凡
宜家多了一部單鏡反光相機，咁更加唔應該埋沒佢嘅才能＆白伽煎嘅慧眼
十和田湖邊哩條小路，朝早途人少，感覺相當寧靜舒服
湖面哩啲水氣，係咪黎自温暖湖水同寒冷空氣嘅温差而形成嘅呢？
哩一刻～好靚，真係令人心曠神怡
白伽煎認為十和田湖比奧入瀨溪流更具可觀性
黎到大和哩啲郊野小鎮，記得要學識講おはよう
注重禮節嘅大和人，佢地响哩啲地方見到任何人都會打招呼，講早晨
白伽煎哩個日語大退步嘅學生，講句おはよう都仲保持到有板眼
人地都唔會懷疑白伽煎係外地人
哩朝早白伽煎學大和人嘅禮節，係唔係都同人講早晨之時
有兩個踏單車出黎嘅女仔就以GOOD MORNING黎回答
白伽煎頓時响度諗：唔通佢兩個係香港人？
因為琴日嘅天雨，令白伽煎無機會坐觀光船遊覽哩個十和田湖～残念だった
呼吸左新鮮嘅空氣，係時間返酒店食早餐
哩度係酒店開餐嘅地方，或者形容為食堂會比較恰當
食物都有好多選擇，哩個係超級份量嘅早餐
食完早餐就CHECK OUT
哩間酒店有無料旅遊巴士接送住客去青森駅，之前要預約
如果用得着哩個服務，咁又可以慳到大約三千日元
沒有留言:
張貼留言