2014年10月6日～星期一，八戶天氣（颱風引來的雨）
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
如果問白伽煎對青森有乜評價，肯定第一個評語係＂落後＂
之所以有哩份感覺就係黎自泊宿酒店
酒店外觀正常
酒店大堂，哩個格局不其然令白伽煎諗起和歌山白濱嘅温泉酒店
一比較之下，雖然價錢係相差3000幾日元，但全部都相差好好好。。。遠
打開房門後，小走廊嘅左邊係洗手間，房間內有獨立座廁
不過係舊式冰凍座廁（不設噴水），款式係响香港都好難揾到嘅舊款座廁
小走廊嘅右邊係洗面區＋浴室
即使有浴室都唔會想用，又係好簡陋又舊咁樣
白伽煎覺得東北仲未發展到吸引好多外地人到訪，唔能夠同和歌山白濱去比較
大概入住嘅都係以日本人佔大多數，而日本人去到温泉酒店一定係＂歎温泉＂
所以即使房間有浴室，都應該無乜人會用，咁酒店更加唔係花錢整個＂企理浴室＂
白伽煎哩個外地人望完個咁舊嘅浴室，都決定左去大浴場沖涼＋浸温泉
白伽煎係訂單人房間，被安排住雙床房（收單人價錢）
床嘅對面係小廳
打開衣柜揾浴衣，吓～無喎～唔係嘩！只有腰帶咋喎！
白伽煎都醒囉，懷疑緊會唔會放响公眾地方呢？
出去大堂巡左一圈就見到哩個浴衣CORNER，浴衣有不同尺碼
咁順便巡埋其他地方啦～遊戲機CORNER
哩個唔知係乜CORNER?
大浴場
哩間係輕食餐廳，內進食野係要俾錢
如果係泊宿包括朝食／夕食嘅話，就係去飯堂食，並唔係哩度
白伽煎哩次訂嘅只係1泊＋朝食，無預到夕食，咁就慳左2000幾日元
白伽煎嘅減肥方法就係晚飯只係食好少野，無理由俾2000幾日元去增肥架？！
所以本來已經諗好午餐時食飽啲，如果晚飯肚餓就光顧哩間輕食餐廳
上晝响八戶センター食左好豐富嘅海鮮＂巴別橋＂
飽到夜晚個胃仍然留有蟹味，所以晚餐連輕食都食唔落
但係哩間黑me孖嘅餐廳係咪營業中呢？
黎到青森郊外，白伽煎留意到＂好暗＂，電燈好似開唔夠咁樣
可能係地震後繼續＂節電＂，所以覺得周圍都唔光猛，酒店顯得更舊咁樣
响房間入面根本用唔到WIFI，要走出黎大堂個無料Internet corner先連到線
哩個先係最落後嘅設施，相當唔方便
上次白伽煎去四國阿波池田，泊宿旅館都係房間入面用到wifi
原來十和田哩度仲落後過四國嘅深山?!
响酒店HEA到雨細了，趁仲未天黑，咁就出去參觀一下哩個咁出名嘅十和田湖啦！
十和田湖其實位於青森縣＋秋田縣
白伽煎泊宿嘅酒店行前少少就會踏入秋田縣
哩度向前行就有係＂両國橋＂，咁就踏足左秋田縣
紅葉已經悄悄黎到青森，唔洗捱凍都有緣見一面
仲記得某年白伽煎學人賞紅葉，凍得緊要，真係呻笨，都係哩個時間嘅紅葉啱睇啲
雖然話雨細左，但其實都幾密，所以都幾凍
沿住木台向前行就會見到哩個＂乙女像＂
白伽煎就完全唔識欣賞哩個銅像
如果唔係落雨，哩幾架觀光船會開行，可以欣賞十和田嘅景色
本來白伽煎都安排左哩個觀光活動，不過因為天雨關係唯有取消
觀光完返到酒店正正就係住客嘅開餐時間
無訂到晚飯嘅白伽煎就可以＂施施然＂咁去浸温泉，無其他人呀！超爽呀！
鞋架上一對鞋都無，証明入面空無一人，咁先可以入去影埋相咋！
追伸：
出發前正開始左：佔中事件，日本新聞都有緊貼咁每天報導
沒有留言:
張貼留言