CHIPS....CHEAP

 

 

以往原裝日本卡樂D薯片只會响日本旅行時先會買黎食

原因

:响香港買貴過响日本買

記憶中响日本買嘅話,價錢大約由120YEN至170YEN不等

原因

:雖然日本買會平D,不過哩樣食物絕對唔會買返香港當手信

基於以上嘅原因,所以以前只會响日本先買黎食

(其實白加煎係無食薯片癮,只係响日本先會有哩個雅興)

 

不過當日元係咁有上無落之時

竟然發現响香港買哩隻薯片無乜點樣加價,同以往都係差唔多

咁就覺得可以响香港買黎食都唔會有"被昆"嘅感覺

 

哩次揀左北海道牛油醬油味

 

沖繩石垣島柚子鹽醋味

哩隻"石垣島塩ぽん酢"應該係當地名物

而負責監修嘅"石垣島ふたばや本舖"應該係名店

以上哩D純粹係推測,事實上白加煎仲未踏足過沖繩

所以對沖繩嘅事所知不多

寫明係監修,而且更加聲明唔係用哩間名店嘅"塩ぽん酢"

卡樂D都相當誠實

咁哩兩隻味道又邊隻好食D呢?

個人認為勝出者係右邊嘅石垣島柚子鹽醋味

至少味道分明,同埋斜紋薯片口感好似係厚D又脆D

左邊嘅北海道牛油醬油味就真係無乜牛油味

 

不過嚴格黎講哩兩隻味都係無乜驚喜

至今依然覺得麻油味卡樂D係最好味 

 詳文請click看原裝卡樂D

趁住日元有升無跌之時

可以同家人一齊分享哩D以往唔會由日本買返香港嘅手信

咁即使只係CHIPS...CHEAP CHEAP地,但都係開心幸福嘅事

因為能夠分甘同味

 幸せだ