鐘意食甜品嘅人睇完以下哩段宣傳片,有無幸福嘅感覺呢?
戲名:洋菓子店Coin de rue (中文譯名:幸福洋菓子)
主演:江口洋介,蒼井優
兩個主角都係白加煎鐘意嘅藝人,江口洋介當然係有型+man啦!
蒼井優都相當唔錯,白加煎鐘意佢有氣質,而且係賣實力嘅女優
其實套戲係相當平淡,兩個主角嘅性格都唔係好突出
套戲想表達嘅可能係幸福都需要勇氣黎克服困難
人需要忘記過去,繼續為未來而努力,咁先會有幸福
睇到日本人對做洋菓子嘅認真,真係份外欣賞大和人認真處事之道
下面嘅洋菓子有無引發食的慾望呢?
哩d又靚又好味嘅洋菓子,絕對唔會响香港出現
日本有名嘅甜品師傳都需要出外修讀甜品課程
最令甜品師傳夢想要去嘅當然係法國
不過好奇怪嘅白加煎响香港食過有名法國餐廳嘅蛋糕
但就唔係好欣賞,都仲係覺得日貨比較啱口胃
唔知會唔會係日本人响法國學技巧,然後融合日本人比較自然清淡嘅口味
咁樣日本人號蛋糕都別樹一格
追崇歐美文化嘅日本人
佢地唔只會着重洋菓子質素,連舖頭嘅裝修擺設都係令人賞心悅目
日本人對洋菓子嘅重視,香港餅店真係學唔到
蒼井優白加煎鐘意嘅其中一個女優,尤其係睇完料理仙姬(おせん)之後
劇中蒼井優飾演半田仙,佢係一個只有22歲嘅女生,繼承母親嘅食店
响速食文化嘅入侵之下,東京某處仲有一間堅持要保留傳統做料理方法嘅食店
套戲最令白加煎着迷嘅其實係半田仙哩個角色人如其名,佢個性溫婉,柔中帶剛,而且相當脫俗,有仙女下凡嘅感覺
(溫柔永遠都係女性最殺食嘅武器)
因為所經營嘅係傳統日本食店,半田仙响戲中任何時間都係着和服
實在難以想像現今响日本會有後生女子只着和服
不過和服先可以表現出半田仙有仙女下凡脫俗嘅感覺
其實蒼井優嘅和服打扮都相當有氣質
欣賞哩套戲純粹係為半田仙哩個咁脫俗嘅角色而着迷
更鐘意一個只有22歲,溫婉可人,與世無爭但又有個人思想,自信嘅女仔
如果白加煎係男生嘅話,咁半田仙一定係夢中情人
沒有留言:
張貼留言