卑鄙3兄弟

 

久別重逢左3年嘅冰皮月餅終於再現

黑芝麻大佬 + 綠茶二佬 + 綠豆細佬 = 卑鄙3兄弟

 

哩個家族全名叫"柯叻曹"...... All nature是也!

咁即係話佢地全部都係100% home-made

黑芝麻餡,綠茶餡都係自己mix & match出黎嘅心血

市售嘅現成餡料,絕對唔係我杯茶,難食!

 

前幾年都响秋天去日本旅行

所以同"柯叻曹"家族總係緣慳一面

不過今年留港賞月,對於各方友好絕對係好消息

久別重逢嘅"柯氏"家族終於都可以復活.........食神再現

 

用左5 個鐘頭

就出產左32個柯氏家族成員

以下只係今年Round 1之中,部份晒冷登場

下星期仲有最後衝次嘅Round 2 (last round)

之後就明年請早 

其實都唔知明年會唔會再整?!

 

咁珍貴嘅"柯氏家族"當然唔會亂咁派俾人啦!

話晒全部都需要一擔心機先做到,絕對係"物輕情義重"

去到哩個時候就十分感激自己係一個獨家村

如果有一大堆豬朋狗友嘅話,真係只會"順得哥情我嫂意"

皆因只係"限量版",唔會大規模發行

 

能夠收到以上限量版嘅"柯氏家族",絕對証明哩d人係正人君子

皆因傻婆係有嚴格嘅擇友條件

謝絕心術不正,心腸自私惡毒

行為小家嘅人

哩個係物以類聚嘅理論

同哩d人一定要保持關係明確

即係無任何關係,就算係親人都無例外