9月11日(星期六)/ 9月12日(星期日),全日天晴,熱
自從去日本會自已睇食評網站黎發掘美食之後,累積左咁多做路盲既經驗
相信就黎可以响日本申請做郵差架喇!
經過呢次旅行,大概都明白日本城市既地址,當中既數字係代表d乜
為左食而可以咁堅持.....堅持咪就係有望達到目標既第一步囉!
留响日本係星期六既時候,盡量都唔會揀呢日子去觀光
咁多人迫住晒,連相都影唔到,所以shopping + 食就係星期六既必定節目
今次既食店係秘密之店,舖頭既資料係唔會公開
為乜要咁秘密呢?
就係因為唔想鼓吹其他人去食
就係因為唔想鼓吹其他人去食皆因為佢地係d好可愛既高智慧動物
最可憐係佢地既繁殖數目不斷下降中.....
佢地就係鯨魚
對唔住呀"亞鯨"
呢次係我第三次食你地架喇 (兩次响東京,一次响大阪)
其實食呢一餐之前,我已經同自己講過呢次係最後一次
之所以會訂下只食3次既約定
就係因為以前响東京食既舖頭,佢地有3款鯨魚午餐
只要試晒呢3種口味,咁我就可以金盆洗手
下圖係東京鯨魚店既餐牌
第1次係炸鯨魚@東京
第2次係鯨魚刺身@東京
第3次既案發現場就係响大阪,想試埋鯨魚steak,咁就立心改邪歸正
而第3次既案件仲發生得比過往兩次為"金"
第1"金"係價錢比較過往食既兩次貴左少少
第2"金"係味道"甘"味,好食d
其實大阪呢間貴d既另一個原因係因為份量大d,食物種類都多d
一個午餐定食就有齊炸鯨魚+鯨魚刺身+鯨魚steak
鯨魚steak,其實無乜咁特別,鯨魚既口感有d 似牛肉
鯨魚刺身
上次响東京食既時候只食到紅色呢款,味道口感都麻麻,不過呢次食埋白色呢款
白色好味好多
口感都好d,唔知白色同紅色有乜分別呢?紅色既肉質係"梅"d,白色既肉質就有彈力d
炸鯨魚(下圖左)變成前菜咁上碟,不過炸鯨魚,鯨魚剌身,鯨魚steak呢3款中
我覺得炸鯨魚係最好味
而大阪呢間舖頭既伴食調味汁仲配合得好好,酸酸地
同炸物既味道相當夾
下面既小配菜並唔係一般普通前菜
如果唔係d侍應指點,都唔知內有玄機既
左邊嗰碟的確係普通前菜,而右邊呢碟係用黎做茶漬飯
侍應再三提醒要試做茶漬飯,因為係相當好味
佢真係無介紹錯啊!如果佢唔講,我只會就咁送飯食
嗰d肉乾物體係有少少硬+咸,不過浸住茶一齊食就口感啱啱好
d肉乾味又滲左d入飯湯入面,呢個好味道啊!
最後係甜品,抹茶雪糕
雖然呢間既午餐定食貴過東京嗰間
不過論種類,味道,就係大阪呢間好食好多
本來我真係諗住食埋呢次之後就金盆洗手
從今以後唔會再做鯨魚殺手既幫兇
不過我開始懷疑自己最後有可能係"姣婆守唔到寡"喎!
如果只係去東京就一定可以守到寡,因為東京間舖頭麻麻地咋
但如果係同人結伴去大阪既話,咁可能好難咁"矢志不渝"架喎.....
去旅行都係想食特色野遮,鯨魚都係其中一樣
鯨魚並唔係特別好味,好多魚類刺身都好食過鯨魚
熟食既話,鯨魚同牛肉有d似 (咁即係食牛肉都得啦!)
只係大阪呢間既午餐定食做得幾唔錯遮
不過無論如何都係唔會鼓吹其他人食鯨魚咁殘忍,所以唔會大肆宣傳
去到行程尾二既呢一日
盆川已經被洗刧得8899,尤其係之前响outlet買到喪失理智.....
呢一日都已經係無乜興趣再流連响心齋橋,因為無乜錢剩
不過無乜錢剩之時都有好多地方可以去,就係逛超市或者100 yen 店
一樣可以滿足豪買既心理 
住民宿的確係可以慳到少少生活費
因為民居地方既生活指數比旅遊區低少少,不過所講都只係一般日常食品
民宿附近既商店街新開左一間低檔次24小時營業既超市
以後再夜都有地方可以逛,慢慢逛下都會執到筍野
1公升果汁係89 yen (廣告特價商品),連LIPTON TEA都只係100 yen
呢d咁抵既食物,當然响搬入民宿當日已經俾我搶購左
留返响夜晚睇電睇時
慢慢歎啦!
見到咁親切既"李氏家族",不過就真係體驗到"物離鄉貴"既事實
"李氏家族"既商品邊駛咁貴呀?
下面呢兩款既價錢就合理d,同香港差唔多
响民宿附近其中一間100yen店
又再一次感受到日本零售業正處於幾咁霜寒既地步
以往唔會响呢度睇啱好多野黎買,但呢次就係相反
連加路D薯片都可以係100 yen佢話晒都係出口貨既名牌喎!
仲有呢d响香港賣到雙倍價錢既ラテ
![]()
有時送手信俾人都有等級之分既
有d手信係"行貨手信",例如嗰d拎返公司齊齊食既野啦
cheap cheap地咪啱囉,仲可以執多d款式,乜都試下
所以今次响100 yen店都補貼左一d旅費
我寧願買呢d手信都好過買d禮盒裝和菓子,嗰d通常都得個樣,唔多好食既
有得試食完先買,咁就唔同講法
買左呢d cheap cheap野,有一段時間都唔駛去"唔食勿語"喇!
仲有姨甥女最愛既軟糖,相同價錢响香港超市只夠買到一筒
今次响大阪就係100yen一袋, 呢隻糖連我都讚架!
最後一晚响大阪,因為要清晒雪柜入面既食物存貨
仲有d 唔會帶返香港既零食
所以連晚餐錢都慳返,只係買左一件巨峰提子mousse cake
(又係無乜特別)
呢次行程之中,Mister Donut就係常伴我左右
右邊呢件環形丸狀既MISTER DONUT就係好友介紹我食既野
原來口感係有d煙un,絕對係特別
呢個都係回程返香港搭早機當日買黎做早餐 
食完早餐先夠力做"咕喱"抬行李出機場
食完早餐先夠力做"咕喱"抬行李出機場雖然民宿太太主動提出為我提早準備早餐,而民宿既房租確實係包埋早餐費用既
不過如果唔係咁有必要,都唔係好想乜野事都去麻煩人地
諗住留返d quota黎急用時先好麻煩人地
都可能因為識撈,所以不致於成為民宿既不受歡迎租客
終於8日既日本之旅去到最後喇~
見到呢個飛機餐,又係已經同大阪講左bye bye架喇
本來好期待"全日吉"由日本飛返香港既航班中
可以食到雞蛋布丁呢幾年坐"全日吉"去日本,我都用呢個雞蛋布丁為行程畫上完美既句號
雖然我只當飛機餐所附加既雞蛋布丁係
既"愛的替身" 點知今次連"愛的替身"都換埋主角添
佢地換左另一款甜品.....
完全係晴天霹靂呀!
完全係晴天霹靂呀!
新主角就係呢個雲尼拿奶凍,普通啦!新歡不如舊愛呀! 
我都係要雞蛋布丁,唔該換返個雞蛋布丁俾我呀!
人地明明由2008年開始就對雞蛋布丁一往情深左咁耐
宜家迫人硬梗貨式相差一截既"雲尼拿先生"
有無搞錯! 哼!求人不如求己
咁下次就索性運正印既
返香港
如果運送成功,咁相信佢會榮登"只此一家@香港"既寶座
好珍貴啊!
好珍貴啊!
我估計唔會有人好似我咁黐線,帶呢樣野返香港
咁罕有既野,當然係成為VIP級人馬既手信啦!
手快有,手慢無,派剩就吞晒入我肚,皆因賞味期限得3,4日(由販賣當日開始計)
貴為傻婆既"尊貴友人"間中都有d着數既
不過呢個身份既名額就相當有限,而且仲要過5關,斬6將
必需要論思維,查品格,看行為,考智慧,合眼緣,對8字,夾生肖,配星座,探家財.....
傻婆一定係唔記得食藥,又舊病復發,响度語無論次喇.....
2010年既日本之旅終於都完成, やった! 
將旅行既事寫成blog,純粹只係想自己可以重新細意回味
兼且預防有可能提早發生既"腦退症",想永遠珍藏美好既回憶
每次既旅行都會遇到唔同既人/事,當中有一部份係令我珍惜/懷念既
就算所寫既野係無人睇,咁都一樣會繼續寫
因為重視自己既每一段回憶
我為我生存其實寫到發UP風既時候,自己都會傻笑架
咁樣當作係自娛都會有益身心,調和心理,所以實在唔需要在意有幾多知音人!
我有傻既DNA,仲完全自得其樂
响網絡上無意咁路過
會停低,留步嘅人次次都"行必改名,坐必改姓
求其換個"名稱"先會入黎睇野既可疑人
又或者係從來用"唔登入"身份咁入黎睇野既人
(咁唔係YAHOO用戶就無得登入,即使係YAHOO用戶都可以唔登用既)
甚至係以前用"登入"身份咁入黎,後來就表面上唔再造訪
但其實只係用"唔登入"既方法咁入黎繼續追住睇野既人
(其實呢度係裝有CCTV[Closed Circuit TeleVision]
所有訪客都無得扮隱型架
真定假?自己諗喇!)
無論如何只要唔好做埋d不受歡迎既事 
咁點計都係網絡上一點點既緣份 ,咁緣份都分為良緣同孽緣既
咁點計都係網絡上一點點既緣份 ,咁緣份都分為良緣同孽緣既
良緣,當然會用有禮既態度黎回應啦!
但如果想响呢度搞黃色豉(油)業嗰種孽緣,咁都自有對策
舊既文章全部已經改為不准回應,雖然咁樣做會搞到呢度睇落更加無晒人氣
不過都講左寫blog只係為自己而寫,有無知音人都只係其次
無污染地帶,或者係人氣指數,兩者之間我一定會揀前者
所以呢度唔會全天候任由"閒雜人等"摷個舊位黎投宿
除非d"閒雜人等"唔介意上頭版,做頂置
無論如何都多謝收看
ありがとうっていわなきゃ
更加多謝嗰d一路睇,一路鬧,一路渺晒咀
,一路講晒粗口........但都仲要追住入黎既人,ご苦労様でした(辛苦晒!)
如果呢個"秘密竇口"仲繼續有任傻既日子,咁"不日放映"都會繼續放送 
繼續 hea走在日本
繼續 hea走在日本
沒有留言:
張貼留言