9月9日(星期四),全日天晴
熱 
俾架單車折磨左一大輪
體力都消耗唔少 ,午飯時間又到喇~當然又係出發去搵美食啦!
搵食
係我去大阪既其中一個大大大任務
大阪既美食實在太多喇,多到要慢慢取捨,之前要做齊資料搜集黎篩選 
今次又俾我响食評網站上搵到一間被高度評分既食店
(得分3.8,滿分係5分)
不過佢係一間........."謎店"
每日營業時間係11:30至13:00,仲售完即止,隨時係13:00前已經可以拉閘關門
全店只有9席,位置仲相當隱閉,好難先搵到
呢一日到我搵到佢既時候,門外已經出現左下面既牌
本日終了.....
皆因為搵到佢時己經係1:30 pm,過晒鐘喇!
完全係"謎"一樣(所以都執相整到佢咁有謎feel)
到底呢間舖頭有乜咁把炮,可以經營1.5小時就收工呢?! 
咁樣既經營手法,到底係靠乜野黎維持舖頭既開支呢?
呢個謎
唯有留待下一次去大阪時先再揭開佢神秘嘅面紗
下次我會一早去到呢度等佢開門做生意架喇! 
任せて! 
"謎店"唔侵我玩,咁我都要食飯嘅
毫無頭緒咁周圍搵野食
就蕩到去"魚八商店"我都係睇中呢間有海鮮丼先會幫襯架咋!
睇到個餐牌,乜500yen都可以有個小小吞拿魚丼+小小烏冬麵
又確實係相抵食喎!
最貴既set lunch都只係1280yen既海鮮丼,呢個當然係我既選擇啦!
又唔係特別好味或者特別差,不過都好食過立山黑部既海鮮丼
不過宜家睇返轉頭,金沢嗰個地道浮誇海鮮丼只係貴呢個一倍 
咁比較之下金沢既海鮮丼就抵食好多喎!
鍾意一個人去日本,就係鍾意可以任隨心所欲,唔駛理人
可以隨時清醒,隨時發夢,自由行去左大阪5次,好多地標景點........都未去過 
皆因次次都係為食/為大出血 
而留响大阪
而留响大阪如果失驚無神想觀光時,通常都係會走去隔離村玩
看似應該係好熟識既大阪觀光景點,其實都仲係好陌生
同嗰d初次踏足大阪既人相比,如果大家將d景點戰績相片大比併既話
咁我一定係輸足9條街
大阪~我會慢慢用分期付款方式咁細味佢,唔急,慢慢黎
大阪城
以前都去過一次,不過只係响外面觀光影相,並無入內參觀
皆因我對呢d歷史東西係無乜興趣,不過今次因為去左金沢城
咁就撩起條"孖根"
打算打孖咁參觀金沢城+大阪城去到呢d地標既建築物參觀,每個人影既相都係差唔多模式,真係驚喜欠奉
大阪城既天守閣都係一個複製城池,並唔係文化遺產 
呢個圍住天守閣城池既河,水平如鏡景,影相出黎既效果一D都唔輸蝕
對於我呢d Hea人黎講,即使舊地重遊都一樣會搵到樂趣 
同一個景色响唔同既季節,天氣,時間,心情之下,都會影到氣氛完全唔同既相
2010年初秋既石階@大阪城公園
2006年紅葉期既石階@大阪城公園
呢張相算係其中一張@日本既"自慢"之作 
傻瓜機既傻瓜鏡頭之下 
出現完全唔傻既景色
皆因傻婆即使係無腦筋上既智慧,但都仲擁有一雙慧眼
出現完全唔傻既景色皆因傻婆即使係無腦筋上既智慧,但都仲擁有一雙慧眼
咁就唔駛毡,唔駛扇都可以變出神仙
雖然已經封左畫筆好耐 
但浸淫左20幾年對審美既訓練 
但浸淫左20幾年對審美既訓練
响呢張相既見證之下,果然係寶刀未老 
不過都唯有hea住咁逛,先會發掘到俾人忽略,但其實係令人有驚喜既畫面
事隔4年,連影相人既心情都唔再一樣
再返黎呢個位置望住,跟住就係靈魂出竅時間
呆立
沉思 發夢
呆立
沉思 發夢
下次賞櫻時等我再黎呢度,又記低2011年櫻花期既心情啦!
不過可能嗰時既賞櫻人潮會嚇走晒d"飄忽"細胞,點都做唔到靈魂出竅既特技
要知道我係患有"人群聚集恐懼症"既! 
唔好羨慕我有hea既本錢,更加唔好取笑我有傻既DNA
各取所需,行程黎到尾站就係立心要全程投入地Hea
9月上旬既大阪係熱到黐左線,下午仲係超過30度高溫
天守閣既入口位置都要噴濕氣黎消暑,實在係熱得難頂
展望台看似平靜,實情係7級大風 吹到人都癲左
响天守閣入面,並唔係每一層都容許拍攝
不過其中有一層就係播放投影式影片,咁就可以拍攝
網上片段-大阪城
片中呢個日本女子應該响外地生活過,開口講英文都無"納豆味"
响日本間唔中會見到一d 匪夷所思既事
呢次其中一件就係大和專利出品"入字腳",(不過香港都有呢d稀有港產品種)
據講大和女子俾d動漫涂毒太深,動漫中既可愛女性角色,個個都係"入字腳"既
咁佢地久而久之就被洗腦,以為用"入字腳"行路
咁就會變得好似動漫中既角色咁かわいい(kawaii)
黎到呢度要分清楚兩個日文字,萬萬不能混淆
(1) かわいい= Kawaii =可愛い = 可愛
(2) こわい= Kowai = 怖い = 可怕/恐怖
雖則呢兩個字好似係差唔多,但解釋絕對係唔一樣
用入字腳黎行路,絕對唔會係Kawaii (可愛い),而一定係Kowai (怖い)
响大阪城時,咁啱行响呢個"怖い女"後面都有7-8分鐘
一路望住佢對嚴重入字腳,越睇越匪夷所思 
乜咁都得架咩? 無問題咩?
乜咁都得架咩? 無問題咩?後來有個傻婆私底下試過用"入字腳"行路甚至跑步
到底會係點樣既一回事呢?
結論係: 當有災難發生而要逃生時,呢d人一定第一時間會仆(响)街
繼而應該會俾後面既人踩住
(都話左呢個blogger係傻架啦
乜"怪"事都親自上陣,尋根究底....)
乜"怪"事都親自上陣,尋根究底....)嗱~唔好取笑我有傻既DNA
只係自得其樂遮!
沒有留言:
張貼留言