9月10日(星期五),全日天晴,熱
响大阪只係剩番兩日時間,行程係緊湊到不得了,其實只係shopping
同食呢d玩意實情係無乜好寫就真
不過我有傻既DNA,天賦本錢係"創作"
,何必講得咁高層次呢,簡單一句就係識得作野寫到d野天花龍鳳,有咁大得咁大,有咁誇得咁誇
對於"傻"
呢樣野係絕對有自信既
皆因平時成日都"靈魂出竅",訓練有素,所以都異於常人
响日本既私鐵車費其實都幾貴
JR就會相宜少少不過响大阪市內,JR並唔係咁通行,得嗰一條環狀線,所以好多時都係要坐私鐵
私鐵最平一程都要200 yen,算係貴
不過如果咁啱可以用到1日pass,咁都幫補到少少既!
下面呢張pass就係响星期五或者每月20號都可以買到既one day pass
一日內任坐大阪市內既私鐵,仲可以坐巴士(不過無試過坐)
見到呢張告示,就知道可以買no-my-car-day-pass
其實平日都可以買1 day pass(一日乘車劵),不過就唔係600 yen咁平,而係850 yen
皆因為有pass可以用,呢日就可以天空海闊任我行都唔駛在意d車費
所以決定離開遊客區去搵食,咁就唔洗另外俾車錢
夠晒精打細算喇卦!
(其實根本就係算死草!)
咁呢日又去邊度搵食呢?
先黎睇下面呢張雜誌稿
擺得上雜誌,都有d可信度
擺得上雜誌,都有d可信度不過都係要去d食評網站睇下d客觀意見先可以相信
對人云亦云既事,應該係持開放但有保留既態度
然後去尋真確理據,我有我思維
咪就係經常都傻+間中會黐
+間中會黐 
不過我從無否認過喎!食評網站既評分有3.28分(滿分係5分),呢個分數唔算低架喇!
我接受既底線係要有3分或以上,咁先會考慮去光顧
原來有d人係睇完電視節目既介紹咁慕名而來
電視節目都有佢份,佢...佢....佢到底有咩料到呢?等我响度親身報導
去到既時間正正係salary man既午飯時間,呢間舖頭迫爆人呀! 
等位就唔駛,因為d salary man都係一食完就俾錢走人
相片中既呢層係地下入口,全間舖一共有3層
抬頭一睇就知呢度係食丼既
睇下d價錢都相當大眾化,4隻蝦既天丼都只係730 yen
仲包埋味增湯,真係好抵食
抵過去松屋嗰d舖頭添!
備餐間係混亂式企理,呢d先係實而不華
總好過得個外表,其實係無料到
是日既注文係......
黎到第6日既行程,都仲係未見到"絕愛情郎"
海膽+大魚子丼
咁樣個傻婆又點會甘心就咁返歸,繼續响香港獨守空(洞心)房呢?
至少都俾要見情郎一次咁先會心息, お願い
所以呢一次無得傾,一定係要注文"絕愛情郎"丼,點知......
......愛郎竟然係連埋副棺木出場,駛唔駛咁可歌可泣呀?牽腸掛肚咁黎單思佢,但原來一見面竟然係連埋副棺木黎曕仰遺容?!
係咪激左少少呢
呢間舖頭都相當有趣,從無見過食店係原板海膽連木架咁上枱既
可能佢地想用個木架"亞"多d空間,形成空間上既錯覺
咁d海膽睇落咪好似多d咁囉 (呢個係傻婆既"陰奸論")
又或者佢地根本係生意多到無停手
唔可以再花時間為每板海膽黎"繡花"(慢慢舖到靚)
只係1260 yen仲包埋味增湯,點計都係相當抵
有一樣野仲唔讚唔得,做人要公道,好就要讚
唔好就要彈(不過傻婆另一綽號係"百彈齋主",彈多過讚)
到底相片中畫上" no.1皇冠"係乜意思呢?.....已經畫公仔都畫出腸啦,明喇卦!
咁都唔明就要打
是日呢個赤味增湯絕對係超好味 
d湯係用魚骨"餚"出黎,咁點會唔好味?!呢碗係"百彈齋主"飲過最好味既赤味增湯
佢地會連d魚骨都俾埋客人,其實到底係想表明材料夠多?
定還是係想用魚骨"亞"位架呢?咁又可以人人俾少兩匙.....呢個又係"陰奸論"
其實呢間舖頭有更出名既鎮店之寶 
就係天丼,穴子丼,即係蝦&鰻魚
就係天丼,穴子丼,即係蝦&鰻魚下面呢個係海老穴子丼,840 yen,主角係兩隻炸蝦+一條炸鰻魚
仲有配角既炸野菜 (以下係網上圖片)
睇下面張相既真實比例,d蝦同鰻魚真係相當之大
條鰻魚更加係相當之咁長,難怪呢間舖頭會好評如潮啦!
可能下次都要去品評一下呢間舖既鎮店之寶-天丼或者穴子丼
話晒佢地咁出名喎!
食店: 谷町一味禪
地址: 大阪市中央區谷町5-6-4
營業時間:11:00-14:00 ; 17:15-22:30 (最後注文時間 21:30)
逄星期日及公眾假期休息,全店可吸煙
食完野係shopping消耗體力既時間,每次去大阪必會去鶴見outlet
又次次都必會去 "take剔"度買野
不過今次就响呢度搞出血案,仲血花四濺....有個傻婆差唔多被洗劫一空
講黎講去都係俾大阪既outlet寵壞左,响香港就算係呢d舖頭減價
甚至係東涌嗰個(不知)所謂outlet
但係同大阪既比較之下,香港d所謂減價真係想叫佢地"唔該收檔"
價錢減到好吸引既貨品就係好醜,out晒dated
比較好樣d既貨品就減得好少......咁仲睇黎做乜呢?
完全係嘥時間去運吉
所以都係寧願留返d錢去日本先消費好過
唔係唔想支持本地零售業
但支持既背後原來係間接支持d 業主/地產商响度無止境咁炒貴d物業
到底買野既時候,有幾多錢係用左去左交租呢? 
所以宜家已經唔會相信响香港買貴野就一定等於好品質
哼!呢個傻婆其實傻唔晒
呢次响outlet度真係睇到日本既零售業係相當咁蕭條 
有唔少舖頭將d季尾貸減到好低價,但呢d貨一d都唔肉酸老土
日本人眼中既out,响一般人眼中係未out 既
日元持續高企真係令佢地全國都受到好大既牽連
佢有佢傷,個傻婆就係傻下傻下咁吟晒d錢出黎大出血
又或者係今年早左少少出發
去到outlet時仲有唔少價錢吸引既季尾靚貨
响呢度買到要迫自己離場唔准再逛
再失控咁買落去,可能連回程返出機場既錢都無埋架喇!
一向响日本時都會响百貨公司/超市買魚生做晚餐既習慣
不過自從响松本,金沢食過又抵,品質又好既刺身之後
返出大阪見到d"開天殺價"既刺身
當堂買唔落手 見到個價錢仲即刻連食慾都無埋
結果都無响百貨公司買刺身,超市賣既就相宜d,不過唔會有名貴海鮮類
品質當然都唔及百貨公司啦!
算啦!咁就慳慳地唔好要求高喇!
不過點計都一定好食過响香港d普通連鎖食店賣既刺身
其實每晚最期待既食物係甜品先啱
不過今次好失望,全個行程都食唔到令人回味既蛋糕,唔知係自己d要求又"升呢"左?
定還是係呢次俾"鬼黯眼"?完全無眼光揀到靚蛋糕!
都仲係
嘅布丁係最似模似樣,保持水準連"百彈齋主"都為佢情狂
沒有留言:
張貼留言