每年12月都係白加煎"易梳加私依"嘅日子(忙しい)
每到大時大節,就係變身嘅時間
cook神上身
年尾埋單之時,今年成績都算唔錯,仲有意外收獲
今年嘅新主角,睇相雖然係白白地色,實則佢係咖啡味.....鳥結糖
咁証明係無顏色添加
未裝身前就係咁實而不華,毫不起眼
着返件衫,咁先恰如身份
係一粒糖,不過都仲係衣粧未夠華麗
當然唔少得攞左10年老人金牌嘅truffle,朱古力永遠都有令人無法抗拒嘅魅力
所以今年佢繼續蟬聯演出,無佢唔得
白加煎實在係太愛home made喇! 唯有home made先可以自己話事
今年嘅朱古力 & 鳥結糖都係"細細粒"版本為免脂肪可能會一發不可收拾,咁都係做細細粒會適合d
鳥結糖係無過度甜嘅品種,入口啱啱好
哩d包裝盒夠獨一無二啦!
白加煎鐘意100%自家心意,只要有心情都想花多d心機做世界上的唯一
所以今年就係要發揮d藝術感,同埋摷晒d'家當"出黎玩mix & match
其實d盒係環保再用嘅外賣膠盒
本年度第一回 warm up之作
送俾唔重要嘅人,純粹應酬,所以無需花太多心思
哩一份就明顯花多d心機喇!
本年度第二回(最終回)之作
果然係熟手左
包裝靈感都相當膨拜咁湧到......
完全係出自同一系列
噁(心瀝)血之作其實做包裝比做食物更花時間,真係摯愛親朋先可以有哩個天大嘅面子
响哩個時候又係白加煎慶幸自己係獨家村嘅時候
今年嘅相同主題都係哩條聖誕閃閃彩帶
本來只係用黎佈置聖誕樹/埸地嘅裝飾
响白加煎與別不同嘅品味中就用黎做禮物嘅花球
效果都相當唔錯,最重要都係符合"平靚正"嘅原則
$10就搞晒今年全部禮物嘅靚靚包裝
而且都算扮到名貴,其實home made唔一定會寒酸架!
睇返舊年嘅包裝.....相比之下今年真係靚好多
咁明年點算好呢?豈不是要搞盡腦汁?!
舊年大大舊嘅原味鳥結糖
意外收獲小報告
因為做truffle有材料用剩,為免浪費食材
咁就再接再厲研究生焦糖 (caramel)
哩次又再次証明"有志者,事竟成"嘅理論
やった！大成功! 唯一美中不足嘅係因為用左白糖,所以制成品唔夠啡色,下次要留意一下
哩次仲有軟版/硬版任選
硬版加左杏仁,牛油味香濃,入口一陣就由硬變軟,相當煙un而且黐牙
口感同外型都係粗獷型,但勝在外剛內柔
軟版,入口即溶,奶味香濃,實在係有冧到入心地甜嘅感覺
由內至外都係相當溫婉細膩
確實係有"心甜嘅感覺",而home made嘅好處就係可以自己加減甜味
哩個係白加煎有生以來食過甜味最恰當嘅caramel
實在係自慢之作
白加煎比較鐘意軟版
入口即溶,口感上有層次至少從無試過食caramel可以在哩個口感,更重要當然係唔覺得"漏"啦!
從今以後,"落街恨人黨"請讓路,仲有"趴街拖匪"都可以消失
因為佢地實在太甜,而且又無質素可言喇!
坦白講啦,哩次自家製嘅軟版CARAMEL
比起白加煎响北海道嘅手信店買到最一般嘅CARAMEL,口感同味道上都有過之而無不及
還是home made最好!
味道唔算太sweet,但令人由衷地從心裡覺得
.....
........ 
沒有留言:
張貼留言