今次係第二次做熱情果mousse cake
幾年前整過一次,不過係完全失敗左,今次就終於都成功!
我呢d"草根大鄉里",就從未食過新鮮熱情果
以前有品嚐過過既都只係熱情果味果汁,咁一定係唔夠"純"+"真"啦!
都唔會係d成份好天然既野啦!
因為係果汁,先係溝稀左,再加左糖,以前覺得熱情果又香,味道都唔錯!
嘩!原來佢真身係酸到唉....,同檸檬不相百仲呀!
熱情果汁比檸檬厚身,所以感覺上就更濃味
我已經係食得酸架啦,但都覺得佢酸呀!
我諗今次用呢隻法國產既果茸係比較天然卦
因為佢夠酸,如果唔天然,咁應該本身會再加多d糖,咁先會賣出去
今次我公司呢班"試味白老鼠"就真係發揮好大作用喇!
果然係"養兵千日,用在一時"
我呢個"味覺失調人",食得甜又食得酸,要我試味就真係考起喇!
所以做呢個蛋糕時,糖既份量都係靠估
加左糖好似仲係偏酸,但再加份量又怕佢太甜,點算好呢?
結果班"試味白老鼠"既評價係
味道係酸,但接受得到
熱情果係要酸酸地咁先係熱情果
即係等於"男人要似男人,女人都似番個女人"咁囉!
我鐘意佢地呢個答案,佢地就鐘意呢個蛋糕夠清新
呢次又係大頭蝦,唔記得留起少少果汁啫喱黎倒响面
搞到佢地一大一細唔同樣添
無左面頭嗰層啫喱,可能味道都會單薄少少架!
今次成功做到呢一個熱情果,咁下次就將d食材改為荔枝
咁應該都可以同呢次一樣,做到一個挺身d既荔枝mousse cake喇卦!
(以前做既荔枝mousse cake總係太軟身)
荔枝,你知道我在等你嗎?
沒有留言:
張貼留言