响六甲山牧場,要數最多既動物係
咁大個山坡任佢地通處走,真係好歎呀!
睇到呢個景,話呢度係海迪住既阿爾卑司山都得呀!
真係有d似架!
隨處自由咁走動,同人黎個零距離既接觸
所以周圍都會見到呢d"綿羊屎屎"
可能係童話/卡通荼毒太深既關係
以前總係覺得呢d生活响大草園既動物好可愛
童話故事中,野鹿係膽小,綿羊係可愛,山羊係溫馴
結果呢d自細既"天真意識",响咁多年之後先"真相大白"
以前响奈良見過野鹿,佢地一d都唔算係膽小,有d仲係惡鹿添!
而呢次去到六甲山牧場,終於又多一個童年夢幻滅喇~
其實綿羊並唔係咁可愛架咋
咪以為佢地眼瞇瞇,好似好善良咁呀,其實佢地有d都惡惡地架!
話說當日响牧場,呢d咁斜既山坡俾四腳動物走動就好易
但我地呢d兩腳走動既人類就真係要行得好小心
一個唔留心失去重心,咁就真係會"碌"落山坡
當日就係有個"傻婆"唔小心,行行下突然失左重心
之後即刻"dum"左地下一下先扎返實個馬步
驚魂甫定之後,無端端面前就有一隻綿羊走黎
用佢肥大既身驅撞向"傻婆"既右邊大腿
隻"惡羊"仲扮到擦身而過咁 (咪話佢唔古惑!)
好彩當時個"傻婆"啱啱企得番穩,咁先無俾隻"惡羊"撞跌
如果唔係睇黎呢個"傻婆"都可能會聞名海外,仲可能會上左日本既新聞
而且大字標題~
"有一名中國藉女子,响神戶既六甲山牧場碌落山坡,重傷..."
所以話呢d綿羊一d都唔係"善男信女"
現實世界同童話/卡通世界入面嗰d,完全係兩回事
睇下個山坡有幾斜~有暗斜位架,真係每步都要小心
咦!d綿羊為咩佢地會咁急急腳,一齊跑去邊呢?
呢個又係另一個嚇左"傻婆"一跳既事
講故仔之前要睇左呢段網上片段先
片段中d羊好悠閒咁响度散步,不過當日"傻婆"同友人就係响度行行下
欣賞緊靚風景既時候,突然有一大群綿羊向住"兩個傻婆"衝埋黎
唔係幾隻衝埋黎,而係一大隊排晒隊咁一齊向"傻婆"跑埋黎
事?事?.......當唐嚇到要搵地方避啦! 
(下面呢張相既綿羊,已經唔係跑頭位既羊,所以佢地速度都慢d)
無路可走之下,嚇到"拿拿林"坐上石駁上避呢班"癲羊"
咁草地上又會有咩呢?
咪就係天然肥料"綿羊屎屎"囉!
"傻婆"坐住既地方,周圍都係"羊屎屎"
好陰公+無陰公呀!
其實佢地成大群趕住跑去邊遮?
咪就係聽到獨有既鈴聲,趕住去開餐囉!
下面條片黎自其他網民
見到呢班又惡,又餓鬼,又橫衝直撞既綿羊
咁仲點可以繼續相信佢地係好似卡通片入面描述既嗰d,係咁善良呢?
佢地唔止係粗魯,而且仲响光天白日之下,黎個"為所欲為"大解放
睇下呢兩張連續影既相,佢地做咩先? 
靚女,我"英偉哥"黎喇!你咪走呀~
呢度仲有片睇添,完全活動教學!(以下短片"8歲禁") 
响牧場入面,如果天晴既話,就會有趕羊表演,呢個完全係呢隻牧羊狗既show time
呢班綿羊都抵佢地囉,等佢地响出面自己個地頭咁惡死唉嗱~
入到黎俾隻狗狗追趕,等佢地知道"被嚇"既滋味先得
唔知係咪次次都指定左係呢幾綿羊入黎表演架呢?
雖然話宜家知道左野鹿同綿羊都唔係卡通片所講既咁"善良"
不過仲有山羊係溫馴,咁呢個就係事實
呢隻"山羊先生"個樣都老實過"綿羊先生"啦!
江湖術士
都有話如果眼細細,多數都係古古惑惑既
所以綿羊咪古惑囉!
當然唔少得俾我餵過既山羊太太啦,佢地真係又乖又馴架!
所以海迪身邊都經常有一隻山羊(小白)陪住海迪架!
呢隻咁乖既"山羊太太",佢除左响度等人餵佢之外
其實佢都有任務架!係咩呢?
咁就要下回分解喇!
沒有留言:
張貼留言