"他媽的食譜"
唔係黎自人地媽咪既食譜,而真係要講"他媽的"
估唔到今時今日仲有食譜書係份量亂寫
(都唔知話佢地校對有錯,翻譯出錯,定還是真係搵人笨)
消費者真金白銀買本食譜書,點可能入面既食譜係"點人食譜"?
我呢本係台灣翻譯本,原著係日本書
以前既時代真係有名氣既人先會有出版社邀請佢地出書
當時有一間响香港以出名食中式甜品既"名店"
個老闆娘就係出左食譜書,有幸俾我賞識咁買左
其實出書咪幫佢間舖頭做宣傳,等佢間舖頭名氣更高
不過如果佢將舖頭d食品做法大公開
人人都識得做,咁仲有人去佢舖頭度幫趁既?
所以有d人就亂寫食譜
務求係讀者唔會做到佢舖頭既食物水準
點解我咁肯定佢係亂寫?咪就係因為我試做過某d食譜
有d係得既,有d比較受歡迎既食譜就係做唔到既
咁好直覺令人覺得佢就係唔想秘技大公開
但讀者係真金白銀俾錢去買書,咁樣係咪過份呀?呢d行為思想絕對唔要得
好彩我係一個老手遮,俾着d初哥,真係唔知點執生
咁就可能全個製成品要報銷,浪費心機,時間之餘,又浪費食物,仲有錢呢!
所以真係奉勸d人出書,唔好咁無恥+無廉恥
又想宣傳自己,又想出書賺錢,但又唔想將自己d"秘技食譜"公開
如果係咁既話,就唔好出書"握"人錢
要做宣傳,實在有好多方法,做人要老實
不過呢幾年流行自資出書,出書既人係有需要為增加知名氣度黎宣傳自己
所以少左人會亂寫食譜,因為食譜就正正代表出書人既功力
如果食譜唔掂,咪等如佢自己都唔掂,無人會咁樣搵自己笨
以前係初哥既我,遇到"點人食譜"時
都會即時不懂招架,只有眼白白睇住一番心機化為烏有
不過宜家老(手)左咯,身經百戰之後都無有怕咯!
用一個"點人食譜",結果都做到咁樣既"芒果批"
累積多左經驗,宜家一邊做,一邊睇住個食譜已經會發現有無疑問
最常出現既問題咪係d材料份量係唔相稱
咁响呢個時候就要施展"執生功力",加番d正常份量入去
所以今次先不至於又浪費食物+錢
呢d不負責任既食譜書,真係害人不淺架!
"傾倒眾生"
呢輪趁住芒果仲係"水尾"時令生果,完全係平,靚,正
(咁有新鮮時令生果做材料,總好過次次都係用罐頭生果泥黎整野食,迫人食防腐劑)
今次盛惠$6有3隻既靚芒果,就做到咁靚靚既甜品
當然仲要係人食人讚添啦!
其實佢地有一半係讚緊芒果好味
另一半先係讚我做得好
不過我又唔會介意,事實我都係咁諗
技巧固然重要,不過可以有好既食材,咁真係好易就會成功做到好野食
事實芒果太傾倒眾生喇,就算只係當生果咁食都好好好....味
咁宜家加左咁多功夫做出唔同既層次口感去配合,而做成一個"芒果批
所以人人都對佢讚不絕口囉!
芒果呀,芒果,你真係有齊"外在美"同"內在美"
顏色又靚,味道又好....
沒有留言:
張貼留言