ただいま!
2014年二度日本之旅响大半個月之前結束左
＂大＂動筆之前當然先要總括一下哩次嘅行程，仲有心情
今年五月嘅日本之旅，我給予高度評分，事事都好似有幸運之神嘅眷顧咁
而哩次十月青森之旅就稱得上係＂上次風流，今次折墮＂，黑仔之神跟身
黑仔事件（１）
＿|￣|○ 首先係出發前兩個半月訂機票嘅事
行程响東京落腳，而東京未有抵坐嘅廉航，咁預左機票唔會平
白伽煎心儀嘅航空公司只有兩間
（１）全日燶
（２）撻尾
全日燶出PACKAGE嘅價錢等如撻尾＋自己訂東京酒店嘅機票
既然係咁就當然坐全日燶啦！
可惜，回程返香港嘅週末係日本三連休嘅假期，全日燶仲唔趁機會坐地起價
PACKAGE要俾多$650先俾機位，咁唯有放棄全日燶
計劃改坐撻尾，之前格過價，撻尾機票連稅係$32XX
取消左全日燶嘅PACKAGE，諗住同個AGENT 訂撻尾嘅機票
都算做俾返少少錢個AGENT賺啦，無謂要佢白做
誰之佢話：撻尾都FULL FULL地
而AGENT開嘅價係$39XX，當堂唔同個AGENT訂，自己上網訂啦
結果係用$37XX訂左機票，後來先發現原來哩個係海鮮價
之後白伽煎响相同嘅機票網站上見到相同日子出發＋回程嘅撻尾機票
回復本來嘅$32XX，而且係仲有機位
就係嗰個完全唔識嘅AGENT所講嘅：撻尾都FULL FULL地
咁就搞到白伽煎俾多五百幾蚊
黑仔事件（２）
日本滙價企硬响$7.5-$7.6都已經好一段時間，諗住趁＂佔中＂未發生就去中環唱錢
點知一唱完幾日，日元就再插水，插到$7.1-$7.2
＿|￣|○
黑仔事件（3）
臨出發前一個星期，先發現部單鏡反光機變身為＂傻仔機＂，傻下傻下完全失控
唔係嘛 ＿|￣|○ 黑成咁樣，完全不能置信
部機買左兩年多啲，平日少用，從無跌過，但都變傻仔。。。。
嗱嗱林攞部相機去維修，本來估計要10日嘅維修期就4日已經維修好
多得對方相當體諒，肯俾白伽煎打尖維修，對哩個牌子又多左好感
事實上黎到哩度，白伽煎已經心裡有數，哩次旅行唔會有好事發生
＿|￣|○ 終於仲有多件＿|￣|○
黑仔事件（４）
9月，10月係颱風季節，哩個時間出得門就預左可能會遇上颱風
其實出發前遇颱風都已經唔係第一次
但上次係個颱風最終轉軚，無走去日本着陸，只响海中怒吼
而哩次就無咁幸運，18號颱風兇神惡殺咁打到日本，搜略沖繩至北海道南部
本來打風係無問題，又唔係打中，咁咪當落一日雨囉！不過。。。。
全個行程唯有一日係去奧入瀨溪流，哩個目的地都係哩次旅行嘅主角
偏偏就預計18號颱風打到去青森嗰日就係行程响奧入瀨溪流嗰日
咁仲唔係玩野，天氣弄人？？？
＿|￣|○ ...＿|￣|○ ...＿|￣|○
接3連4嘅黑仔事，白伽煎就係咁樣帶住灰色嘅心情出門
旅程正題就下一篇先講，哩篇遊下花園先～
白伽煎一直都係關西派，由第一次踏足關西就愛上哩個地方
而今次選址响東京，青森，背後確實有個故事
話說當年仲讀緊日文時，每年一度嘅自由題PERSENTATION
某同學就將佢環遊世界嘅靚相做主題，順便就梗係晒命啦！
其中一張靚相就係奧入瀨溪流，當時白伽煎已經走訪日本較冷門嘅地方
但都仲未去奧入瀨溪流，果然係"強中自有強中手"，遇上級數相近嘅對手添
而因為同學仔嘅哩張相，白伽煎就將奧入瀨溪流列入必要一去之地
不過去影溪流相必要有個好拍檔先可以成事＞就係可以自己調教快門光圈嘅相機
咁白伽煎响兩年多之前先物色到哩個旅行好拍檔，咁先有條件去奧入瀨溪流
到底白伽煎嘅旅行好拍檔有幾堅呢?
少少少魔法 - 近乎真實素顏版
大大大 魔法 - 擺明係夢幻版
哩個年代嘅"美"，其實都係有添加先掂
繼續講埋個故仔先～
今年好離奇地計劃出門多一次，既然關西已經去左，咁就揀個新地方
就係咁樣隨即出現奧入瀨溪流嘅相片
大概哩次都應該要將心事了結，就係咁樣哩次就選址响日本東北
終於哩次係一個機會令白伽煎踏足日本東北
東北有幾個縣，青森/岩手/宮城/秋田/山形/福島
五個縣，但最終只係揀左去青森
因為其他縣响哩個季節嘅可觀性並唔太高（應該話係唔係白伽煎杯茶）
哩次旅行返來對東北最大嘅印象係：落後
點落後法，稍後再詳談
白伽煎第7次單人匹馬獨闖日本嘅遊記即將公開
沒有留言:
張貼留言